„დღეს, როდესაც მიმდინარეობს მთავრობის დამტკიცება და ერთმანეთს დითირამბებს ვუმღერით, პარალელურად ივანიშვილი, „ქართული ოცნების“ ნათლიმამა, ასამარებს საქართველოში ორ უმნიშვნელოვანეს ინსტიტუციას - სასამართლოს და თავისუფალ მედიას“, - ამის შესახებ „ნაციონალური მოძრაობის“ წევრმა, სერგო რატიანმა პარლამენტში მიმდინარე რიგგარეშე სხდომაზე სიტყვით გამოსვლისას განაცხადა.
საკონსტიტუციო უმრავლესობა გაქვთ და ყველაფერს აკონტროლებთ, ამასობაში წუწუნებთ, იმაზე თუ როგორ არ მოგწონთ აქ რაც გესმით, - ასე მიმართა "ნაციონალური მოძროაბის" დეპუტატმა გიგა ბოკერიამ საქართველოს პრემიერ-მინისტრის მოვალეობის შემსრულებელს გიორგი კვირიკაშვილს რიგგარეშე სხდომაზე სიტყვით გამოსვლისას.
„უხერხულია როდესაც ყველა გამოსვლას იწყებთ და ამთავრებთ ფრაზით, - "მადლობა ბატონ ბიძინას", - ასე მიმართა „ერთიანი ნაციონალური მოძრაობის“ დეპუტატმა ნიკა მელიამ პრემიერ-მინისტრობის კანდიდატ გიორგი კვირიკაშვილს მას შემდეგ, რაც კვირიკაშვილმა დეპუტატს პოლიტიკური სტილი დაუწუნა.
„არსებობს ისეთი ოფციაც, რომ შემოვლითი რკინიგზის პროექტი განახლდეს“, - ამის შესახებ ეკონომიკის მინისტრობის კანდიდატმა გიორგი გახარიამ პარლამენტში მიმდინარე რიგგარეშე სხდომაზე განაცხადა.
„ვიზალიბერალიზაციის სამოქმედო გეგმის ფარგლებში შრომის პირობების მონიტორინგის ნაწილი ჩვენ შევასრულეთ“, – ამის შესახებ ეკონომიკისა და მდგრადი განვიითარების მინისტრობის კანდიდატმა, გიორგი გახარიამ პარლამენტის სხდომაზე შრომითი პირობების რეგულაციის შესახებ დასმული კითხვის საპასუხოდ განაცხადა.
საქართველოს ეკონომიკისა და მდგრადი განვითარების მინისტრობის კანდიდატის, გიორგი გახარიას ინფორმაციით, საქართველოს პრემიერ–მინისტრის დავალებით შეიქმნება სპეციალური ჯგუფი, რომელიც რეგიონების განვითარებას შორის არსებული დისბალანსის აღმოფხვრის საკითხებზე იმუშავებს. ამის შესახებ გახარიამ საქართველოს პარლამენტში მიმდინარე სესიაზე განაცხადა, სადაც დეპუტატები საქართველოს მთავრობისთვის ნდობის გამოცხადების შესახებ მსჯელობენ.
დაბალი რისკისა და გათავისუფლებისთვის მომზადების პენიტენციურ დაწესებულებებში მყოფ მსჯავრდებულებს, სურვილის შემთხვევაში, საშუალება მიეცემათ სასჯელის მოხდის პერიოდში, უმაღლესი განთლება დისტანციურად მიიღონ, - აღნიშნულის შესახებ სასჯელაღსრულებისა და პრობაციის მინისტრობის კანდიდატმა კახა კახიშვილმა პარლამენტის რიგგარეშე სესიაზე ისაუბრა, სადაც მთავრობისა და სამთავრობო პროგრამისთვის ნდობის გამოცხადების საკითხს განიხილავენ.
„ორი დღეა ვაკვირდები თქვენს სტილს და პირდაპირ ვამბობ, არანაირ პოლიტიკურ ჩარჩოებში არ ჯდება“, - ასე უპასუხა პრემიერ-მინისტრობის კანდიდატმა გიორგი კვირიკაშვილმა „ნაციონალური მოძრაობის“ წევრ ნიკა მელიას, რომელმაც იუსტიციის მინისტრი სასამართლოზე ზეწოლაში დაადანაშაულა.
მაღალჩინოსნებთან დაკავშირებულ პროცესებში არ ვერევით, ეს მთლიანად პროკურატურის და სასამართლოს პრეროგატივაა, - ასე უპასუხა პრემიერ-მინისტრობის კანდიდატმა გიორგი კვირიკაშვილმა დეპუტატ გედევან ფოფხაძის შეკითხვას, რომელიც წინა ხელისუფლების იმ მაღალჩინოსნების საკითხით დაინტერესდა, რომლებიც მართლმსაჯულების წინაშე არ წარმდგარან.
პრემიერ-მინისტრობის კანდიდატის, გიორგი კვირიკაშვილის განცხადებით, ქვეყნის განვითარების ოთხპუნქტიანი გეგმის უპირველესი პრიორიტეტი განათლების სისტემაში ძირეული ცვლილებების განხორციელება იქნება.
News Agency ExpressNews - ექსპრესნიუსი
Epn.ge
Lifestyle News & More
epn.ge (@expressnews.ge)
