იურიდიულ საკითხთა კომიტეტის თავმჯდომარემ ეკა ბესელიამ პარლამენტის პლენარულ სხდომაზე, პრეზიდენტის ადმინისტრაციის უფროსი გიორგი აბაშიშვილი დღეს გაკეთებული განცხადების გამო, მწვავედ გააკრიტიკა.
საქართველოს პრეზიდენტის საპარლამენტო მდივნის ანა დოლიძის განცხადებით, ოპერატიულ-ტექნიკურ სააგენტოს, პარლამენტის მიერ მიღებულ კანონპროექტში უამრავი ბერკეტი აქვს დატოვებული იმისთვის, რომ სახელმწიფო უსაფრთხოების სამსახურის რუტინული კონტროლის ქვეშ იყოს.
პარლამენტის იურიდიულ საკითხთა კომიტეტის თავმჯდომარის ეკა ბესელიას განცხადებით, ის პირადადაა შეურაცხყოფილი პრეზიდენტის ადმინისტრაციის წარმომადგენლების ტონით და დამოკიდებულებით პარლამენტისადმი.
„ქართული ოცნება“ რჩება მარტო უკანონობის დაკანონებაში და ძალიან დიდი სამომავლო პასუხისმგებლობის აღებაში, რასაც ეს მახინჯი მოსმენების სისტემა მოიტანს მომავალში, - ამის შესახებ „ევროპული საქართველოს“ ერთ-ერთმა ლიდერმა დავით ბაქრაძემ პარლამენტის პლენარულ სხდომაზე განაცხადა.
იურიდიულ საკითხთა კომიტეტის თავმჯდომარემ ეკა ბესელიამ, პარლამენტის პლენარულ სხდომაზე, პრეზიდენტის საპარლამენტო მდივანს ანა დოლიძეს კონსტიტუციის 48-ე მუხლი შეახსენა და პრეზიდენტის ადმინისტრაცია და მისი წარმომადგენლები პარლამენტისადმი უპატივცემულო დამოკიდებულებაში დაადანაშაულა.
პარლამენტის პლენარულ სხდომაზე, სადაც სიტყვით უმრავლესობის წევრი ლევან გოგიჩაიშვილი გამოდიოდა, ერთმანეთს „ნაციონალური მოძრაობის“ წევრი ნიკა მელია და „ქართული ოცნების“ წარმომადგენელი შოთა ხაბარელი დაუპირისპირდნენ.
საქართველოს პრეზიდენტის მოწვევით, საქართველოს ეროვნული უშიშროების საბჭოს სხდომა 23 მარტს 17:00 საათზე, საქართველოს პრეზიდენტის რეზიდენციაში გაიმართება.
იუსტიციის მინისტრის მოვალეობის შემსრულებელი ალექსანდრე ბარამიძე „ღია მმართველობის პარტნიორობის“ თანათავმჯდომარეების შეხვედრაში მონაწილეობს. ღონისძიებას საფრანგეთის მთავრობა მასპინძლობს და ის პარიზში იმართება. საფრანგეთი „OGP“-ის თავმჯდომარე, ხოლო საქართველო თანათავმჯდომარე ქვეყანაა.
"ნაციონალური მოძროაბის" წევრის თინა ბოკუჩავას განცხადებით, უმრავლესობის დეპუტატები ხშირად ისეთ სიტყვებს იყენებენ დებატებში, რომლის მნიშვნელობაც არ იციან.
"ერთიანი ნაციონალური მოძრაობის" დეპუტატ ნიკა მელიას განცხადებით, უმრავლესობა, თავს არიდებს ისეთ თემებზე საუბარს, რომელიც ბოლო დღეებში აქტუალურია და სამართალდამცავების მხრიდან ნარკოტიკული საშუალებებისა და იარაღის ჩადებას ეხება.
„საჭიროა დადგეს ყველა იმ დეპუტატის პოლიტიკური პასუხისმგებლობის საკითხი, რომლებმაც ეროვნული ბანკისთვის საზედამხედველო ფუნქციის ჩამორთმევის შესახებ პრეზიდენტის მიერ დადებული ვეტოს დაძლევაში მიიღეს მონაწილეობა“, - ამის შესახებ პრეზიდენტის ადმინისტრაციის უფროსმა, გიორგი აბაშიშვილმა განაცხადა.
„ქალბატონ ელენე ხოშტარიას ვუსმენდი და მეგონა, რომ ქალბატონი ელენე თავის თავს და თავის გუნდა ელაპარაკებოდა, როდესაც ნარკოტიკების ჩადებაზე საუბრობდა“, - ასე გამოეხმაურა ადამიანის უფლებათა დაცვის კომიტეტის თავმჯდომარე სოფიო კილაძე „მოძრაობა თავისუფლებისთვის-ევროპული საქართველოს“ წევრის ელენე ხოშტარიას განცხადებას, რომლის თანახმადაც უმრავლესობა ნარკოტიკების ე.წ. ჩადებაზე თვალს ხუჭავს.
საქართველოს პრეზიდენტის საპარლამენტო მდივნის ანა დოლიძის განცხადებით, ე.წ. მოსმენების კანონთა პაკეტთან დაკავშირებით პრეზიდენტის მოტივირებულ შენიშვნებში ორი ძირითადი არგუმენტია წარმოდგენილი, რომელიც სააგენტოს დამოუკიდებლობას და საკომუნიკაციო კომპანიების ფინანსურ ხარჯებს ეხება.
News Agency ExpressNews - ექსპრესნიუსი
Epn.ge
Lifestyle News & More
epn.ge (@expressnews.ge)
