2019-03-20 22:33:11, 1763 ნახვა

---

წულუკიანი ბოკუჩავაზე: ბევრ უსაფუძვლო განცხადებას აკეთებს და ამავე დროს, ძალიან ლამაზი ქალია

„მის ილუზიებზე ვაკეთო კომენტარები ?“, - ასე მიმართა იუსტიციის მინისტრმა თეა წულუკიანმა ჟურნალისტებს, რომლებმაც მას „ნაციონალური მოძრაობის“ წევრის, თინა ბოკუჩავას განცხადების შეფასება სთხოვეს.

კერძოდ, პარლამენტის პლენარულ სხდომაზე ბოკუჩავამ აღნიშნა, რომ თეა წულუკიანი გახმარებულ საქმეებზე მნიშვნელოვან ინფორმაციებს ფლობს და ამით „ქართული ოცნების“ თავმჯდომარე ბიძინა ივანიშილს აშანტაჟებს.

„მე ის ნამდვილად ვიცი, რომ ქალბატონი თინა ძალიან ბევრ უსაფუძვლო განცხადებას აკეთებს და ამავე დროს ის ძალიან ლამაზი ქალია, ეს ვიცი. ეს არის მისი ინტერპრეტაციები და მას სჭირდება, რომ რაღაცნაირად პოლიტიკური განცხადებები აკეთოს. და აკეთებს ამ განცხადებებს და ჩემგან რა არის მოთხოვნილი, რომ მის ილუზიებზე ვაკეთო კომენტარები?“, - განაცხადა თეა წულუკიანმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი