იუსტიციის სახლებში შინაგან საქმეთა სამინისტროს  სერვისების მოთხოვნის მაღალი მაჩვენებელი დაფიქსირდა.

იუსტიციის სახლის აღმასრულებელი დირექტორის გივი აზაურაშვილის  ინფორმაციით, მხოლოდ ორი თვის განმავლობაში, იუსტიციის სახლის ყველა ფილიალში ნასამართლობის შესახებ 3 200-ზე მეტი ცნობა გაიცა.

„3 მაისიდან ჩვენ გავაფორმეთ შსს-ს მომსახურების სააგენტოსთან ხელშეკრულება და 3 მაისიდან  იუსტიციის სახლის ყველა ფილიალში  შესაძლებელია ნასამართლეობის ცნობის აღება. ამასთან არ აქვს მნიშვნელობა, გნებავთ თბილისში გააკეთეთ განაცხადი,  ცნობას მიიღებთ 18 დანარჩენ ნებისმიერ ფილიალში, რაც არის ძალზედ მნიშვნელოვანი. ვფიქრობ, ამ ორი სახელმწიფო უწყების თანამშრომლობა ძალიან ნაყოფიერი გამოდგა, სტატისტიკა მეტყველებს ამაზე. უკვე 3200-მდე ცნობა აქვს იუსტიციის სახლს გაცემული, ყოველ დღიურად მატულობს ეს სტატისტიკა. ამ ყველაფერში კარგი ის არის, რომ ჩვენ წლის ბოლომდე ვგეგმავთ 14 სხვა მომსახურების გადმოტანას იუსტიციის სახლებში შსს-ს მომსახურების სააგენტოდან. ჩვენ დამატებით მიწოდების არხებს შევთავაზებთ მომხმარებლებს, რაც არის სახელმწიფოს სერვისებზე ხელმისაწვდომობის ზრდა“,-განაცხადა აზაურაშვილმა.

აღსანიშნავია, რომ იუსტიციის სახლის ფილიალებში შსს-ს მომსახურების სააგენტოს სერვისი - ნასამართლობის შესახებ ცნობა 3 მაისიდან გაიცემა.

სერვისით სარგებლობა მოქალაქეებს საქართველოს მასშტაბით იუსტიციის სახლის 19 ფილიალსა და მომსახურების სააგენტოების ტერიტორიულ ერთეულებში შეუძლიათ.

სერვისის მისაღებად საჭიროა მოქალაქემ მხოლოდ პირადობის დამადასტურებელი დოკუმენტი  წარადგინოს და ნასამართლობის შესახებ ცნობას განაცხადის შევსებიდან ხუთ სამუშაო დღეში უფასოდ მიიღებს. დაჩქარებული წესით, 1 სამუშაო დღეში ცნობის აღების საფასური 25 ლარია, ხოლო 3 სამუშაო დღეში - 15 ლარი.

იუსტიციის სახლსა და მომსახურების სააგენტოს შორის გაფორმებული ხელშეკრულების ფარგლებში, ეტაპობრივად, შსს-ს მომსახურების სააგენტოს კიდევ 14 სერვისი დაინერგება. მათ შორისაა: განმეორებითი მართვის მოწმობის გაცემა, დაკარგული ან დაზიანებული სატრანსპორტო საშუალების რეგისტრაციის მოწმობის აღდგენა, ასევე ცნობების გაცემა სატრანსპორტო საშუალების სამართლებრივი მდგომარეობის შესახებ, პირის მსჯავრდების, იარაღის სამართლებრივი მდგომარეობისა თუ საქართველოს სახელმწიფო საზღვრის გადაკვეთა-გადმოკვეთის შესახებ და სხვა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: „რეპორტიორები საზღვრებს გარეთ“ იმ ოლიგარქიული, არაფორმალური ძალების ინსტრუმენტია, რომელიც თანამედროვე მსოფლიოსთვის პრობლემას წარმოადგენს

ბრიუსელში, ევროკომისია წარადგენს ,2026 წლის გაფართოების პაკეტს- პაკეტი მოიცავს გაფართოების შესახებ კომუნიკაციასა და ანგარიშებს

კახა კალაძე - რაც არ უნდა ცილისწამება, სიბინძურეები ააგოროთ და ეცადოთ, რა თქმა უნდა, ცხოველთა თავშესაფარს ვერ დააზიანებთ

კალაძე: ბერა ივანიშვილის მიერ ცილისწამების წინააღმდეგ სასამართლოში სარჩელის შეტანას მივესალმები, რადგან სიცრუე უნდა დამთავრდეს