დედაენის ბაღში მსახიობ გიორგი გიორგანაშვილის (ბახალას) მხარდამჭერი აქცია მიმდინარეობს.

აქციის ორგანიზატორების განცხადებით, საქმეში ბახალას უდანაშაულობის დამადასტურებელი მრავალი არსებითი დარღვევა იკვეთება.

"სამწუხაროდ გიორგის საქმეში მხოლოდ პოლიციელები გვევლინებიან მოწმეებად. დაკავების მომენტში ის გადაიყვანეს და გაჩხრიკეს ბნელ, უკამერო ადგილას. ფიზიკური ტყვეობის გარდა ის 5 თვეა იმფორმაციულ ტყვეობაშიც იმყოფება. ეს არის ძალიან მძიმე წნეხი, რომელსაც ბახალა 5 თვეა ებრძვის. ბახალა გამოძიების მხრიდან მასზე პერმანენტულ ზეწოლაზეც მიუთითებს", - აცხადებს გიორგანაშვილის მხარდამჭერი ოთარ შათირიშვილი.

ცნობისთვის, მსახიობი გიორგი გიორგანაშვილი სამართალდამცველებმა 5 თვის წინ დააკავეს. მსახიობს სასჯელის ზომად თავისუფლების აღკვეთა ვადით 8-დან 20 წლამდე ან უვადოდ, ნარკოტიკული ნივთერების განსაკუთრებით დიდი ოდენობით შეძენა შენახვისთვის ემუქრება. გიორგი გიორგანაშვილს შესრულებული აქვს ათობით როლი მხატვრულ ფილმებში, თეატრში და სატელევიზიო სერიალებში.

ადგილზე მობილიზებულია საპატრულო პოლიცია. დედაენის ბაღში ასევე იმყოფებიან მსახიობები, საზოგადოებისთვის ცნობილი პირები, "ნაციონალური მოძრაობის" რამდნეიმე წევრი, საკრებულოს დამოუკიდებელი დეპუტატი ალეკო ელისაშვილი და უბრალო მოქალაქეები, რომლებიც გიორგანაშვილს მხარს უჭერენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: „რეპორტიორები საზღვრებს გარეთ“ იმ ოლიგარქიული, არაფორმალური ძალების ინსტრუმენტია, რომელიც თანამედროვე მსოფლიოსთვის პრობლემას წარმოადგენს

ბრიუსელში, ევროკომისია წარადგენს ,2026 წლის გაფართოების პაკეტს- პაკეტი მოიცავს გაფართოების შესახებ კომუნიკაციასა და ანგარიშებს

კახა კალაძე - რაც არ უნდა ცილისწამება, სიბინძურეები ააგოროთ და ეცადოთ, რა თქმა უნდა, ცხოველთა თავშესაფარს ვერ დააზიანებთ

კალაძე: ბერა ივანიშვილის მიერ ცილისწამების წინააღმდეგ სასამართლოში სარჩელის შეტანას მივესალმები, რადგან სიცრუე უნდა დამთავრდეს