საქართველოს პრეზიდენტს გიორგი მარგველაშვილს, დღეს, ბელარუსის ახლადდანიშნულმა საგანგებო და სრულუფლებიანმა ელჩმა მიხაილ მიატლიკოვმა რწმუნებათა სიგელები გადასცა.

როგორც "ექსპრესნიუსს" პრეზიდენტის ადმინისტრაციიდან აცნობეს, რწმუნებათა სიგელების გადაცემის ოფიციალური ცერემონიის დასრულების შემდეგ საქართველოს პრეზიდენტმა ბელარუს დიპლომატთან შეხვედრა გამართა.

მხარეებმა საქართველო - ბელარუსის ურთიერთობების გაღრმავების პერსპექტივები განიხილეს.

გიორგი მარგველაშვილმა კიდევ ერთხელ აღნიშნა თბილისში საელჩოს გახსნის მნიშვნელობა, რომელიც საქართველოში ბელარუსის პრეზიდენტის ვიზიტისას მიღწეული შეთანხმების ერთერთი შედეგია.

გიორგი მარგველაშვილმა ხაზგასმით აღნიშნა, რომ საელჩოს გახსნა ხელს შეუწყობს ქვეყნებს შორის არსებული ინტენსიური ორმხრივი პოლიტიკური, ეკონომიკური და კულტურული თანამშრომლობის კიდევ უფრო გაღრმავებას.

თავის მხრივ, მიხაილ მიატლიკოვმა კიდევ ერთხელ აღნიშნა, რომ ბელარუსის რესპუბლიკის პირველი ელჩის რანგში, იგი ძალისხმევას არ დაიშურებს ორი ქვეყნის ურთიერთობების კიდევ უფრო გააქტიურების საქმეში.

მხარეებმა ხაზი გაუსვეს უმაღლესი და მაღალი დონის ვიზიტების ურთიერთგაცვლისა და საერთაშორისო ასპარეზზე ორი ქვეყნის პარტნიორული თანამშრომლობის მნიშვნელობას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისიამ რუსული გაზის ევროკავშირში დაბრუნება უკრაინაში მშვიდობის დამყარების შემდეგაც კი გამორიცხა

ესპანეთში მატარებლების შეჯახების შედეგად დაღუპულთა რიცხვი 64-მდე გაიზარდა

ქართული დელეგაცია მოსკოვში რუსეთის პატრიარქ კირილის იუბილეზე ჩავა

გვარამია: თუ ეს კანონი დაკმაყოფილდა, საბჭოთა მემკვიდრეობა დაამარცხებს ეროვნულ მოძრაობას