2020-10-23 17:00:41, 866 ნახვა

---

ერდოღანის განცხადებით, თურქეთი ისევეა დაინტერესებული არაღიარებული ყარაბაღის კონფლიქტის მოგვარებაში, როგორც რუსეთი

თურქეთის პრეზიდენტის, რეჯეფ თაიფ ერდოღანის განცხადებით, თურქეთს, როგორც რუსეთს აქვს სრული უფლება მიიღოს მონაწილეობა არაღიარებული მთიანი ყარაბაღის კონფლიქტის მოგვარებაში.

„თუ რუსეთს სურს მიიღოს მონაწილეობა არაღიარებული მთიანი ყარაბაღის კონფლიქტის მოგვარებაში, თურქეთი თვლის, რომ არანაკლები უფლება აქვს, მიიღოს ანალოგიური მონაწილეობა. ჩემამდე არ მოსულა აღნიშნულ თემაზე რუსეთის ფედერაციის უარყოფითი კომენტარი“, - განაცხადა ჟურნალისტებთან საუბრისას თურქეთის პრეზიდენტმა.

მანვე დასძინა, რომ სომხეთი კონფლიქტში რუსეთის ჩარევას მხარს უჭერს, აზერბაიჯანს კი, შესაბამისი უფლება აქვს, რომ აღნიშნულ კონფლიქტში თურქეთის ჩართვას დაუჭიროს მხარი.

„მოლაპარაკებების მაგიდასთან, როგორც რუსეთი, ასევე ანკარა უნდა იყოს“, - დასძინა პრეზიდენტმა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი