მოძრაობა „შეცვალეს“ წევრებმა, თბილისის საკრებულოთან, სადაც ისინი აქციას მართავენ, ნაგვის ურნა მიიტანეს.ურნაზე მათ საკრებულოს იმ წევრების ფოტოები გააკრეს, რომლებიც „ნაციონალური მოძრაობის“ დეპუტატის, ლევან ხაბეიშვილის მიმართ ძალადობაში მონაწილეობდნენ.

როგორც აქციის მონაწილეები აცხადებენ, მათი მთავარი მოთხოვნაა, რომ დაისაჯოს და მიეცეს პასუხისმგებაში ყველა ის დეპუტატი, ვინც ლევან ხაბეიშვილს ფიზიკურად გაუსწორდა. ასევე ისინი ითხოვენ, რომ აღნიშნულმა პირებმა დატოვონ თანამდებობები.

შეგახსენებთ, რომ 23 იანვარს თბილისის საკრებულოს სპორტის, განათლებისა და სარევიზიო კომისიის გაერთიანებულ სხდომაზე კამათი ფიზიკურ დაპირისპირებაში გადაიზარდა.ერთმანეთს „ქართული ოცნების“ დეპუტატები და „ნაციონალური მოძრაობის“ წევრი ლევან ხაბეიშვილი დაუპირისპირდნენ. ინციდენტის გამო სხდომა ჩაიშალა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა