"ერთიანი ნაციონალური მოძრაობის" წევრი ნიკა მელია მიხეილ სააკაშვილისთვის უკრაინის მოქალაქეობის დაბრუნებას სამართლიანობის აღდგენას უწოდებს.

მელია აღნიშნავს, რომ სამართლიანობის აღდგენა ისტორიული კანონზომიერებაა, რომელიც საქართველოშიც აუცილებლად მოხდება. 

"ყოველთვის ყველა სახელმწიფოში , ყველა პერიოდში აღმსდგარა და აღსდგება სამართლიანობა. გახსოვთ  როგორ ჩამოერთვა ბატონ სააკაშვილს მოქალაქეობა, ფიზიკური ძალადობით იგი გააძევეს უკრაინიდან და დღეს დავინახეთ ის, რომ უკრაინის ახალმა პრეზიდენტმა მას მოქალაქეობა დაუბრუნა, შესაბამისად, აღსდგა სამართლიანობა, როგორც აღსდგება სამართლიანობა საქართველოში. არავუს უნდა ჰქონდეს იმედი, ვგულისხმობ ივანიშვილს, რომ იგი პოროშენკოსგან განსხვავებულ ბედს გაიზიარებს, - 4-ჯერ უფრო მდიდარი ადამიანი, ბატონი პოროშენკო დაამარცხა ხალხმა უკრაინაში და ჯერ კიდევ შარშან პოროშენკოს ეს ყველაზე კოშმარულ სიზმარშიც კი ვერ წარმოედგინა. ფაქტი სახეზეა - იგივე მოხდება საქართველოშიც. ყველა მიმართულებით ჩადენილი უსამართლობა იქნება აღდგენილი და ისტორიული კანონზომიერება ცხადყოფს, რომ ეს ასე მომხდარა. ბიძინა ივანიშვილის მიერ ჩადენილი სხვადასხვა უკანონოებიც ვერ იქნება შეუმჩნეველი ვერცერთი შემდგომი დემოკრატიულად არჩეული ხელისუფლების მხრიდან", - განაცხადა ნიკა მელიამ.

ავტორი: ექსპრესნიუსი,

სოციალური ქსელები

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას

მეუფე ნიკოლოზი ილია მეორის წმინდანად შერაცხვას ითხოვს - მიმართვა, რომლის წაკითხვაც მიტროპოლიტს გაფართოებულ კრებაზე სურდა

მეუფე მიქაელი სინდისის პატიმრებზე: დიდი სიამოვნებით გამოვუშვებდი ყველას

რუსეთში ნავთობგადამამუშავებელ ქარხნებზე უკრაინული დრონების დარტყმების გამო, ბენზინის დეფიციტია