კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

2026-11-07 20:48:37, 307 ნახვა

ევროპის ამბები

კრაკოვის მთავარ ბაზრის მოედანზე სროლის შედეგად დაღუპულთა რიცხვი სულ მცირე ხუთს მიაღწია, ათობით კი დაშავდა.

Polsat News-ის ცნობით, დაშავებულებს შორის პოლიციელებიც არიან.

გაზეთის ცნობით, ადგილობრივი დროით დაახლოებით 15:00 საათზე, მამაკაცი ქალაქის ცენტრალურ მოედანზე მანქანით შევარდა და გამვლელებს ცეცხლი გაუხსნა. ეჭვმიტანილი დააკავეს. პოლიციელებმა დაკავების დროს ის დაჭრეს, რის შემდეგაც საავადმყოფოში გადაიყვანეს.

ადგილზე სამაშველო სამუშაოები მიმდინარეობს. მოედანზე უამრავი სასწრაფო დახმარების მანქანა მივიდა და სამედიცინო ვერტმფრენიც დაეშვა.

პოლონეთის პრემიერ-მინისტრმა დონალდ ტუსკმა განაცხადა, რომ პოლიცია ინციდენტის მოტივსა და ყველა გარემოებას იძიებს. პრეზიდენტის, კაროლ ნავროცკის თქმით, ეროვნული უსაფრთხოების ბიუროს ხელმძღვანელი კრაკოვში მიემგზავრება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან