აზერბაიჯანი არის ჩვენი მეგობარი ქვეყანა, ჩვენ ვართ სტრატეგიული პარტნიორები ერთმანეთისთვის და აქ ნებისმიერი გადაწყვეტილება იქნება მიღებული სწორედ ამ სულისკვეთებით“, - ამის შესახებ პრემიერ-მინისტრმა, მამუკა ბახტაძემ დღეს გამართულ ბრიფინგზე დავით გარეჯის მონასტრის საკითხზე საუბრისას განაცხადა.

როგორც პრემიერმა აღნიშნა, დღევანდელ მთავრობის სხდომაზე შეიქმება კომისია, რომელიც აღნიშნულ საკითხზე იმუშავებს.

„დავით გარეჯის საკითხი, ეს არის ძალიან მგრძნობიარე თემა, როგორც ჩემთვის, ასევე ნებისმიერი ქართველისთვის და იცით, რომ მიმდინარეობს ინტენსიური კომუნიკაცია ჩვენს აზერბაიჯანელ კოლეგებთან და იცით, რომ მიღწეულია შეთანხმება. იქმნება კომისია, დღეს ჩვენ დავამტკიცებთ ამ კომისიას და საგარეო საქმეთა მინისტრის მოადგილე იქნება მისი ხელმძღვანელი. დაიწყება დიალოგი და მოლაპარაკებები აზერბაიჯანულ მხარესთან. იქაც გაკეთდება მსგავსი კომისია და მოგეხსენებათ, რომ შეთანხმება ითვალისწინებს ამ პერიოდის განმავლობაში ჩვეულებრივად იქნება წვდომა სამონასტრო კომპლექსის იმ მიმართულებებზე, სადაც არსებობდა არსებული პრაქტიკა. მე ვთქვი და კიდევ ერთხელ გავიმეორებ, აზერბაიჯანი არის ჩვენი მეგობარი ქვეყანა, ჩვენ ვართ სტრატეგიული პარტნიორები ერთმანეთისთვის და აქ ნებისმიერი გადაწყვეტილება იქნება მიღებული სწორედ ამ სულისკვეთებით“, - აღნიშნა  მამუკა ბახტაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა

აშშ სანქციებს უწესებს რვა კანადურ გაცვლით კომპანიას ირანთან კავშირების გამო