საქართველოს მოქალაქეების მიერ საფრანგეთში ჩადენილი დანაშაულის გამოძიებაში, ფრანგულ პოლიციასთან ერთად, საქართველოდან ორი ოფიცერი ჩაერთვება, - ამის შესახებ შინაგან საქმეთა მინისტრმა გიორგი გახარიამ ფრანგ კოლეგასთან გამართულ ერთობლივ პრესკონფერენციაზე განაცხადა.

როგორც მინისტრმა აღნიშნა, შესაბამის შეთანხმებას ხელი უკვე მოეწერა და ის უახლოეს მომავალში ამუსავდება. გახარიას თქმით, ქართველი ოფიცრების ჩართულობა საფრანგეთში საქართველოს მოქალაქეების მიერ ჩადენილი დანაშაულების რაოდენობას შეამცირებს.

ამასთან, ვიცე-პრემიერმა საფრანგეთის შს მინისტ კრისტოფ კასტანერს საქართველოს მხარდაჭერისთვის მადლობა გადაუხადა. 

"„ჩვენ კიდევ ერთხელ გადავუხადეთ მადლობა ჩვენს კოლეგებს იმ მხარდაჭერისთვის, რომელსაც საფრანგეთი უცხადებს საქართველოს ევროატლანტიკურ მისწრაფებებს და მის ტერიტორიულ მთლიანობას და რა თქმა უნდა, ჩვენ განვიხილეთ ის გამოწვევები, რომელსაც უნდა ვუპასუხოთ ერთად, ეს პირველ რიგში გახლავთ ორგანიზებულ დანაშაულთან ბრძოლა, თავშესაფრის მაძიებელთა პრობლემის გადაწყვეტის მექანიზმები. მოგეხსენებათ, უვიზო მიმოსვლა არის საქართველოს ყველაზე დიდი მიღწევა ბოლო წლების განმავლობაში და ერთ-ერთი ყველაზე მნიშვნელოვანი მომენტი საქართველოს ევროკავშირთან დაახლოების. ასევე ვისაუბრეთ უსაფრთხოების თემებზე. ჩვენ ერთმნიშვნელოვნად ხაზგასმით აღვნიშნეთ, რომ გვაქვს ძალზედ კარგი ბაზა ორგანიზებულ დანაშაულთან ბრძოლის. დღეს მოვაწერეთ ხელი შეთანხმებას, რომელიც ხელს შეუწყობს ის ბრძოლა გახადოს კიდევ უფრო ეფექტური და ეს გამოიხატება იმაში, რომ უახლოეს პერიოდში საქართველოს ორი ოფიცერი პირდაპირ იქნება ჩართული ფრანგული პოლიციის გამოძიების პროცესში, განსაკუთრებით იმ ნაწილში, როდესაც საქართველოს მოქალაქეები ჩადიან დანაშაულს საფრანგეთის ტერიტორიაზე. ასევე განვიხილეთ ის მექანიზმები და ნაბიჯები, რომლებიც უკვე გადადგა ქართულმა მხარემ და ის ნაბიჯები, რომელიც უნდა გადაიდგას, რათა შევამციროთ თავშესაფრის მაძიებელთა რაოდენობა საფრანგეთში და საერთოდ ევროკავშირის ქვეყნებში. რა თქმა უნდა ვისაუბრეთ უსაფრთხოების ნაწილში თანამშრომლობაზე ევროკავშირსა და საქართველოს შორის. მე კიდევ ერთხელ ხაზგასმით მინდა მადლობა გადავუხადო კოლეგას საქართველოში ჩამობრძანებისთვის და დავადასტურო საქართველოს მთავრობის მზადყოფნა, გადადგას ყველას საჭირო ნაბიჯი იმისთვის, რომ ერთად შევძლოთ თავშესაფრის მაძიებელთა რაოდენობის შემცირება, დავამარცხოთ ორგანიზებული დანაშაული და ერთად ვიზრუნოთ ჩვენი ქვეყნების უსაფრთხოებაზე. ეს ქვეყანა, შინაგან საქმეთა სამინისტრო, ყოველთვის ღიაა თანამშრომლობისთვის და ეფექტური წინსვილსთვის", - განაცხადა გიორგი გახარიამ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა

აშშ სანქციებს უწესებს რვა კანადურ გაცვლით კომპანიას ირანთან კავშირების გამო