სურსათის ეტიკეტირებისა და იმპორტის რეგულირების წესებში უახლოეს მომავალში საკანონმდებლო დონეზე ცვლილებები ამოქმედდება.

აღნიშნული საკითხების შესახებ 16ოქტომბერს, 12:00 საათზე საქართელოს დამსაქმებელთა ასოციაციაში ბიზნეს სექტორისთვის საინფორმაციო შეხვედრა გაიმართება.დაგეგმილ შეხვედრაზე ასოციაციის წევრი კომპანიები საქართველოს გარემოს დაცვისა და სოფლის მეურნეობის სამინისტროს სურსათის ეროვნული სააგენტოს წარმომადგენლებს შეხვდებიან და იმსჯელებენ იმ ცვლილებების შესახებ, რომელთა გახორციელებაც მათ მოუწევთ მომავალი საქმიანობის პროცესში. კერძოდ, შეხვედრა მიზნად ისახავს, კომპანიების ინფორმირებას იმ ნორმატიული აქტების შესახებ, რომლებიც 2019 წლის 1 იანვრიდან შევა ძალაში. მასში იგულისხმება ცვლილებები მომხმარებელთა ინფორმირება საკვებდანამატების რეგულირებისა და იმპორტის რეგულირების წესებში.

შეხვედრას, რომელსაც სურსათის უვნებლობის დეპარტამენტის ხარისხის მართვისა და აღიარების სამმართველოს უფროსი კახა სოხაძე გახსნის, 50-მდე მეწარმე დაესწრება. შეხვედრის მნიშვნელოვანი ნაწილი დაეთმობა კითხვა-პასუხის რეჟიმს, რათა ბიზნეს სექტორის წარმომადგენლება მიიღონ კომპეტენტური პასუხები თემასთან დაკავშირებულ მათთვის აქტუალურ და პრობლემურ საკითხებზე. შეხვედრა საქართველოს დამსაქმებელთა ასოციაციის საკონფერენციო დარბაზში გაიმართება.

(NS)

ავტორი: ,

სოციალური ქსელები

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა

აშშ სანქციებს უწესებს რვა კანადურ გაცვლით კომპანიას ირანთან კავშირების გამო