დღეიდან, ქუთაისის საერთაშორისო აეროპორტის მიმართულებით მგზავრებს საშუალება აქვთ თბილისიდან, ბათუმიდან და ქუთაისიდან GEORGIAN BUS-ის გარდა, მეორე სატრანსპორტო კომპანიის, OMNIBUS EXPRESS-ის  საშუალებითაც ისარგებლონ.

აეროპორტების გაერთიანების ინფორმაციით, მგზავრთა გადაყვანის მიზნით OMNIBUS EXPRESS-მა თბილისიდან ქუთაისის საერთაშორისო აეროპორტის მიმართულებით პირველი რეისი დილის 9 საათზე შეასრულა.

ეკონომიკისა და მდგრადი განვითარების სამინისტროს ,,საქართველოს აეროპორტების გაერთიანების“ ინფორმაციით, თბილისიდან ქუთაისის საერთაშორისო აეროპორტის მიმართულებით რეისები ახალი, 78 ადგილიანი, კომფორტული, გერმანული SETRA-ს ფირმის 2 სართულიანი ავტობუსით შესრულდება. გასვლის ადგილი თბილისიდან დავით აღმაშენებლის აეროპორტის მიმართულებით პირველი რესპუბლიკის მოედანია. რაც შეეეხება ბათუმსა და ქუთაისს, ვებგვერდზე www.omnibusexpress.ge ონლაინ ჯავშნის დროს მგზავრი უთითებს საკუთარ მისამართს და კომპანია მას სახლიდან აეროპორტამდე მიყვანას სერვისს შესთავაზებს.

ავტობუსები აღჭურვილია ხანგრძლივი მგზავრობისთვის გათვალისწინებული, კომფორტული და რბილი სავარძლებით, უფასო WIFI გადამცემით და მინიმაცივრით. ბორტზე შესაძლებელია გამაგრილებელი სასმელებისა და წასახემსი პროდუქტების შეძენა.

,,ჩვენი პრიორიტეტია ქუთაისის საერთაშორისო აეროპორტი მგზავრებისთვის მაქსიმალურად ხელმისაწვდომი გავხადოთ. ამიტომ, მუდმივად ვმუშაობთ იმ სატრანსპორტო კომპანიებთან სერვისის გაუმჯობესებაზე, რომლებმაც ჩვენს აეროპორტში მგზავრთა გადაყვანის მიზნით ინტერესი გამოხატეს. ეს კომპანიებია:  ჯორჯიან ბასი, რომელიც მანამდე ექსკლუზიურად ოპერირებდა ქუთაისის საერთაშორისო აეროპორტში და დღეიდან, ქუთაისის საერთაშორისო აეროპორტის მგზავრებს უკვე ემსახურება ახალი სატრანსპორტო კომპანია - OMNIBUS EXPRESS-ი. მთავარი ყურადღება, რა თქმა უნდა, მგზავრთა უსაფრთხო გადაყვანას და კომფორტულად მგზავრობას ექცევა. ხარისხიან მომსახურებას კი კონკურენცია უზრუნველყოფს,-‘’აცხადებენ საქართველოს აეროპორტების გაერთიანებაში.

(NS)

ავტორი: ,

სოციალური ქსელები

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა

აშშ სანქციებს უწესებს რვა კანადურ გაცვლით კომპანიას ირანთან კავშირების გამო