საბურთალოს რაიონში, ყაზბეგის გამზირის N29 კორპუსის მიმდებარე ტერიტორიაზე, 1 600 კვადრატული მეტრის ფართობზე არსებული სკვერის სარეაბილიტაციო სამუშაოები დასრულდა.

მერიის ინფორმაციით, სამუშაოების ფარგლებში, სკვერში ორი საბავშვო მოედანი განთავსდა და სხვადასხვა ატრაქციონი დამონტაჟდა. ასევე, მოეწყო განათების სისტემა, საფეხმავლო ბილიკები და ჩატარდა გამწვანების სამუშაოები. სკვერში განთავსდა სხვა შესაბამისი ინფრასტრუქტურაც.

საბურთალოს გამგებელმა გაიზ ვასაძემ, მე-5 ოლქის მაჟორიტარ დეპუტატ დავით უთმელიძესთან და ამავე ოლქის პარლამენტის დეპუტატ ნინო გოგუაძესთან ერთად, განახლებული სკვერი დაათვალიერა.

„გარშემო ძალიან ბევრი საცხოვრებელი სახლია, რის გამოც, აღნიშნული სკვერის რეაბილიტაცია გადავწყვიტეთ. ვფიქრობ, ძალიან ლამაზი რეკრეაციული სივრცე გამოვიდა და რაც ყველაზე მთავარია, მოსახლეობა კმაყოფილია. ჩვენი მიზანია, ქალაქში რაც შეიძლება მეტი, არა მარტო გამწვანებული, არამედ კომფორტული დასასვენებელი ადგილი არსებობდეს“, - განაცხადა გაიოზ ვასაძემ.            

სკვერის მოწყობის სამუშაოები, რომლისთვისაც გამგეობის ბიუჯეტიდან 91 824 ლარი გამოიყო, კომპანია „გრინსერვის+“-მა განახორციელა. 

საბურთალოს გამგეობის მიერ, აღნიშნულ მისამართზე სპორტული მოედანი და ფიტნეს ზონაც მოეწყო.

(NS)

ავტორი: ,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო