„25 წელი გავიდა სოხუმის დაცემის დღიდან. ეს არის ერთ-ერთი ყველაზე ტრაგიკული დღე ჩვენი ქვეყნის ისტორიაში. ჩვენი თაობის და ჩვენი ქვეყნის ვალია ეს აღთქმული მიწა დავიბრუნოთ," - ამის შესახებ აჭარის ავტონომიური რესპუბლიკის მთავრობის თავმჯდომარე თორნიკე რიჟვაძემ განაცხადა.

მან სხვა ოფიციალურ პირებთან ერთად, პატივი მიაგო  ეროვნული გმირის, ჟიული შარტავას და საქართველოს ტერიტორიული მთლიანობისთვის ბრძოლაში დაღუპული გმირების ხსოვნას.

ბათუმის გმირთა ხეივანში სოხუმის დაცემის 25 წლისთავთან დაკავშირებით დაღუპულთა ოჯახის წევრები, საკანონმდებლო და აღმასრულებელი ხელისუფლების წარმომადგენლები შეიკრიბნენ. მათ ყვავილებით შეამკეს ჟიული შარტავას მემორიალი, რომელიც 27 სექტემბერს, სოხუმის დაცემის დღეს, გმირულად დაიღუპა.

თორნიკე რიჟვაძემ ხაზი გაუსვა დევნილებთან დაკავშირებულ საკითხებს. მისი თქმით, ამ მიმართულებით აჭარის მთავრობა ცენტრალურ დარგობრივ სამინისტროებთან ერთად, მაქსიმუმს აკეთებს.

„ჩვენ დავიწყეთ განხილვა 164 დევნილი ოჯახისთვის ბინების გადაცემის თაობაზე. ეს პროცესი გაგრძელდება და მივა იმ ლოგიკურ დასასრულამდე, რომელიც მათ საჭიროებებს საბოლოოდ დააკმაყოფილებს,"- აღნიშნა თორნიკე რიჟვაძემ. 

(NS)

ავტორი: ,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო