ირაკლი კობახიძე საქართველოს ეროვნული ნაკრების ყოფილი კაპიტნის, გიორგი ნემსაძის გარდაცვალების გამო მწუხარებას გამოთქვამს.

"ღრმა მწუხარებას გამოვთქვამ გიორგი ნემსაძის გარდაცვალების გამო. ეს უდიდესი დანაკარგია ქართული ფეხბურთისთვის.

საქართველოს ეროვნული ნაკრების ყოფილი კაპიტანი, გამორჩეული პროფესიონალი და მებრძოლი ხასიათის ლიდერი, წარმატებით იცავდა როგორც ეროვნული გუნდის, ისე ქართული და უცხოური კლუბების ღირსებას. თამაშის საკუთარი სტილითა და შეუპოვრობით მან სამუდამო კვალი დატოვა ქართული სპორტის ისტორიაში.

გულწრფელ თანაგრძნობას ვუცხადებ გიორგი ნემსაძის ოჯახს, ახლობლებს, თანაგუნდელებსა და სრულიად საქართველოს,"- აღნიშნავს კობახიძე.

54 წლის ასაკში საქართველოს საფეხბურთო ნაკრების ყოფილი კაპიტანი, გიორგი ნემსაძე გარდაიცვალა.

გიორგი ნემსაძე დაიბადა 1972 წლის 10 მაისს თბილისში. კარიერის განმავლობაში ის თამაშობდა როგორც ქართულ, ისე წამყვან უცხოურ კლუბებში: 

თბილისის „დინამო“ (საქართველოს ოთხგზის ჩემპიონი), ლანჩხუთის „გურია“, თბილისის „შევარდენი“, გერმანული „ჰომბურგი“, თურქული „ტრაბზონსფორი“, შვეიცარიული „გრასჰოფერი“, იტალიური „რეჯანა“ და შოტლანდიური „დანდი“.   1992–2004 წლებში საქართველოს ნაკრებში ჩაატარა 69 მატჩი. მათგან 42 შეხვედრაში გუნდს მოედანზე კაპიტნის სამკლაურით უძღვებოდა. 

წვრთნიდა საქართველოს 17-წლამდელთა ნაკრებს (სადაც ხვიჩა კვარაცხელიას თაობას ზრდიდა), გორის „დილას“ და თბილისის „დინამოს“.

 სხვადასხვა დროს იყო თბილისის საკრებულოს დეპუტატი (2006–2010) და ცაგერის მუნიციპალიტეტის მერი (2021–2022).

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

კობახიძე ძმებ ფეიქრიშვილებზე: გამოძიება დაადგენს, მათ შორის, ციხის ადმინისტრაციის შესაძლო როლსაც

კობახიძე - გიორგი ნემსაძის გარდაცვალება უდიდესი დანაკარგია ქართული ფეხბურთისთვის

ნაკრების ყოფილი კაპიტანი გიორგი ნემსაძე 54 წლის ასაკში გარდაიცვალა

საკონსტიტუციო სასამართლოს სხდომიდან გააძევეს ხატია დეკანოიძე - ივანიშვილის დაკითხვის შუამდგომლობა არ დაკმაყოფილდა