ამ ქვეყანაში არის ისეთი მთავრობა, სადაც არასასურველია ანტი-პუტინისტების ჩამოსვლა და წითელი ხალიჩებით ხვდებიან გავრილოვებს, პოზნერებს, ალიუზდენოვებს და ხალხს, რომლებიც არღვევენ ჩვენი ქვეყნის ინტერესებს და ემსახურებიან იმპერიას, - ასე გამოეხმაურა პარტია "დროას" ლიდერი ელენე ხოშტარია, რუსი ანტიპუტინისტი მწერლის და ჟურნალისტი ფილიპ ძიადკოს საქართველოში არ შემოშვების საკითხს.

მისივე თქმით, საინტერესოა თუ რატომ არ უშვებენ ქვეყანაში ისეთ ხალხს, რომლებიც საქართველოს და მშვიდობიანი ქვეყნების გამო უპირისპირდებიან რუსეთის იმპერას.

"მე მინდა მივიდე ამ ადამიანთან, მთელი ღამე გაატარა რაღაც პატარა სივრცეში და სამი დღე უნდა გაატაროს კიდევ აქ... წამების პირობებში არის, ასე უდიერად ეპყრობიან და მაინტერესებს რის საფუძველზე არ უშვებენ ანტიპუტინისტ ჟურნალისტს, რომელიც ებრძვის იმპერიას ჩვენი ინტერესებისთვის, ვინც იმპერიას ებრძვის იმას რომ არ უშვებენ, უკრაინიდან მოწვევაზე უარს რომ იძახიან, ევროპული ვიზები რომ არ უნდათ და რუსეთის მოგება რომ უნდათ რა თქმა უნდა იქნება პროტესტი.

ამ ქვეყანაში არის ისეთი მთავრობა, სადაც არასასურველია ანტიპუტინისტების ჩამოსვლა და წითელი ხალიჩებით ხვდებიან გავრილოვებს, პოზნერებს, ალიუზდენოვებს და ხალხს, რომლებიც არღვევენ ჩვენი ქვეყნის ინტერესებს და ემსახურებიან იმპერიას", - განაცხადა ხოშტარიამ.

შეგახსენებთ, რუსი ანტიპუტინისტი მწერალი და ჟურნალისტი ფილიპ ძიადკო, რომელიც ვენიდან თბილისში გუშინ ჩამოფრინდა, საქართველოს ტერიტორიაზე არ შემოუშვეს. იგი აეროპორტში ყავთ გაჩერებული. 

დღეს, 18:00 საათზე, ელენე ხოშტარიამ აქტივისტებთან ერთად თბილისის საერთაშორისო აეროპორტთან აქცია გამართა. 

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება