ევროპარლამენტმა მიხეილ სააკაშვილის ჯანმრთელობის მდგომარეობის შესახებ რეზოლუცია მიიღო. 

ევროპარლამენტი ღრმა შეშფოთებას გამოხატავს მიხეილ სააკაშვილის ჯანმრთელობის მდგომარეობის მუდმივ გაუარესებაზე და მოუწოდებს საქართველოს ხელისუფლებას გადადგას ნაბიჯი და მისცეს პატიმარ სააკაშვილს საშუალება საზღვარგარეთ მკურნალობის, რაც პოლიტიკური პოლარიზაციის შემცირების საშუალება იქნება.

ევროპარლამენტარებმა ასევე მოუწოდეს საქართველოს პრეზიდენტს, სალომე ზურაბიშვილს, რომ თავისი კონსტიტუციური უფლება მიხეილ სააკაშვილის შეწყალების მიზნით გამოიყენოს.

"ევროპარლამენტი გამოხატავს ღრმა შეშფოთებას ყოფილი პრეზიდენტის, მიხეილ სააკაშვილის ჯანმრთელობის გაუარესებისა და საქართველოს ხელისუფლების არაადეკვატური რეაგირების გამო თვლის, რომ პატიმრების მიმართ, როგორიცაა ყოფილი პრეზიდენტი სააკაშვილი, მოპყრობა არის ლაკმუსის ტესტი საქართველოს მთავრობის ერთგულებისა ევროპული ღირებულებების და მისი დეკლარირებული ევროპული მისწრაფებების, მათ შორის ევროკავშირის კანდიდატის სტატუსისადმი.

ევროპარლამენტი კიდევ ერთხელ მოუწოდებს საქართველოს ხელისუფლებას, გაათავისუფლოს ყოფილი პრეზიდენტი მიხეილ სააკაშვილი და გაუშვას ის სათანადო სამედიცინო დახმარების მისაღებად საზღვარგარეთ ჰუმანიტარული ნიშნით, რაც იქნება პოლიტიკური პოლარიზაციის შემცირების საშუალება.

ევროპარლამენტი ხაზს უსვამს იმ ფაქტს, რომ ყოფილი პრეზიდენტის, მიხეილ სააკაშვილის მდგომარეობის გაუმჯობესების მხრივ მუდმივი წარუმატებლობა კვლაც აზიანებს საქართველოს რეპუტაციას და აფერხებს მის მიერ ევროკავშირის კანდიდატის სტატუსის მიღების პერსპექტივას. ევროპარლამენტი თვლის, რომ მიხეილ სააკაშვილის პატიმრობაში სიკვდილი იქნება სერიოზული დარტყმა ქართული დემოკრატიისთვის და საქართველოს საერთაშორისო რეპუტაციისთვის.

ევროპარლამენტი მოუწოდებს საქართველოს პრეზიდენტს, გამოიყენოს თავისი კონსტიტუციური უფლება მიხეილ სააკაშვილის შეწყალების მიზნით", - ნათქვამია ევროპარლამენტის რეზოლუციაში.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება