ყველა სოფელში, ყველა კარს შევაღებ და ვეცდები, რომ ყველა დავარწმუნო - ეს არის გადამწყვეტი ბრძოლა ჩვენი ქვეყნისთვის, - ამის შესახებ "ერთიანი ნაციონალური მოძრაობის" ახალმა თავმჯდომარემ, ლევან ხაბეიშვილმა ხაშურში მიმდინარე საპროტესტო აქციაზე განაცხადა. 

ხაბეიშვილის თქმით, რეგიონებში გამართული აქციების მიზანია, შეიქმნას შტაბი შესაბამისი ინფრასტრუქტურით, რათა  მოქალაქეებს შეკრების ადგილი ჰქონდეთ. მან ასევე დასძინა, რომ მიმდინარეობს მზადება მასშტაბური აქციისთვის. 

"ყველა სოფელში, ყველა კარს შევაღებ და ვეცდები, რომ ყველა დავარწმუნო - ეს არის გადამწყვეტი ბრძოლა ჩვენი ქვეყნისთვის და არა მარტო პრეზიდენტ სააკაშვილისთვის. მე ვიძლევი პირობას, ხალხთან ერთად შედეგზე გავალ. ყველა ქალაქში და ყველა რაიონში იქნება აქციები. 

მე ვაპირებ, ყველა რაიონში ინფრასტრუქტურა მოვაწყოთ და ამ ხალხს ჰქონდეს შეკრების ადგილი, რომ მებრძოლმა ადამიანებმა უზრუნველყონ, მათ შორის, სხვა თავისი მეზობლების, მეგობრების, ნათესავების დარწმუნება. ასეთ მებრძოლ ადამიანებზე დგას ჩვენი ქვეყანა. ეს ხალხი იბრძვის და 80%-ს ევროკავშირი რომ უნდა, აი, ამისთვის იბრძვის ეს ხალხი. ვინმეს ეჭვი ეპარება, რომ ევროკავშირში უნდა ჩვენი მოსახლეობის 80%-ს? ეს ადამიანები არიან სხვადასხვა სოფლიდან ჩამოსულები, ადგილობრივები, რომლებსაც უნდათ უკეთეს ქვეყანაში ცხოვრება. ვინმემ დააანონსა, რომ ეს მასშტაბური აქცია იქნებოდა? მასშტაბურს როცა დავაანონსებთ, მერე დაგვთვალეთ, ჩემო ძვირფასებო",- განაცხადა ხაბეიშვილმა "ტვ პირველის" ეთერში საუბრისას. 

ცნობისთვის, საქართველოს რამდენიმე რეგიონში -ხაშურში, ფოთსა და ლაგოდეხში "ერთიანი ნაციონალური მოძრაობის" ორგანიზებით, მიხეილ სააკაშვილის მხარდამჭერი აქციები იმართება.  აქციის მონაწილეების მთავარი მოთხოვნა საქართველოს მესამე პრეზიდენტის სამკურნალოდ საზღვარგარეთ გადაყვანაა.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება