დაცვის მხარემ არ მისცა სასამართლოს არანაირი ობიექტური საფუძველი იმისა, რომ სხვა გადაწყვეტილება მიეღო, - ასე ეხმაურება "ქართული ოცნების" დეპუტატი ირაკლი ქადაგიშვილი მიხეილ სააკაშვილის საქმეზე თბილისის საქალაქო სასამართლოს გადაწყვეტილებას.

როგორც ქადაგიშვილმა მედიის წარმომადგენლებთან საუბრისას განაცხადა, პროცესი ექსპრეზიდენტის ჯანმრთელობასთან დაკავშირებული და პოლიტიკური სპეკულაციებით წარიმართა.

"მიხეილ სააკაშვილის ეს პროცესი მათი მხრიდან იყო პოლიტიკური სპეკულაციებისა და ჯანმრთელობასთან დაკავშირებული სპეკულაციებით გამოყენებული. მე ვფიქრობ, რომ თვითონ დაცვის მხარემ არ მისცა სასამართლოს არანაირი ობიექტური საფუძველი იმისა, რომ სხვა გადაწყვეტილება მიეღო და სასამართლომ მიიღო ეს გადაწყვეტილება, რა გადაწყვეტილებაც მიიღო. რაც შეეხება "ნაციონალური მოძრაობის" პოლიტიკურ დღის წესრიგს, ეს დღის წესრიგი დღითიდღე უფრო მარგინალური ხდება. მაინც მოვუწოდებ, რომ ყოველთვის დარჩნენ კანონის ფარგლებში", - განაცხადა ქადაგიშვილმა.

შეგახსენებთ, გუშინ, 6 თებერვალს თბილისის საქალაქო სასამართლომ მიხეილ სააკაშვილის გათავისუფლების ან სასჯელის გადავადების შუამდგომლობა არ დააკმაყოფილა. გადაწყვეტილება მოსამართლე გიორგი არევაძემ მიიღო.

ექსპრეზიდენტის გათავისუფლების ან სასჯელის გადავადების მოთხოვნით შალვა ხაჭაპურიძემ სასამართლოს შუამდგომლობით 1-ელ დეკემბერს მიმართა.

მესამე პრეზიდენტის უფლებადამცველის შუამდგომლობას უძღოდა წამების მსხვერპლთა ფსიქოლოგიური რეაბილიტაციის ცენტრ "ემპათიას" დასკვნა, რომლის მიხედვითაც მიხეილ სააკაშვილს 20-ზე მეტი დიაგნოზი თუ სიმპტომო-კომპლექსი აღენიშნება, აქედან წამყვანია, დაახლოებით, 10 დიაგნოზი, რაც შეუთავსებელს ხდის პატიმრობას.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება