ერთადერთი პარტია ვართ საქართველოში, რომელიც საქმით ამტკიცებს დემოკრატიული, დასავლური ფასეულობების ერთგულებას, - "ნაციონალური მოძრაობის" ახალმა თავმჯდომარემ, ლევან ხაბეიშვილმა გამარჯვების შემდეგ პირველი განცხადება გააკეთა და ამომრჩეველს მადლობა გადაუხადა. 

"ეს გამარჯვება ეკუთვნის ყველას, ვინც ჩართული იყო ამ არჩევნებში. მინდა მადლობა გადავუხადო იმ ადამიანებს, რომლებიც მხარს გვიჭერს და უკანასკნელი 11 წლის განმავლობაში საშუალებას არ გვაძლევს, რომ მოვდუნდეთ, ხელები ჩამოვუშვათ და ჩვენი საყვარელი სამშობლო დავუთმოთ რუს ოლიგარქ ბიძინა ივანიშვილს. ამ არჩევებით "ნაციონალურმა მოძრაობამ" დაამტკიცა, რომ მისი დამარცხება და ბრძოლის ველიდან გაყვანა შეუძლებელია. ჩვენ დავუმტკიცეთ ყველას -მტერსაც და მოყვარესაც, რომ ერთგულები ვართ იმ ღირებულებების, რომელიც საფუძველში ედო "ნაციონალურ მოძრაობას". ერთადერთი პარტია ვართ საქართველოში, რომელიც საქმით ამტკიცებს დემოკრატიული, დასავლური ფასეულობების ერთგულებას. ეს არჩევნები ამის ნათელი გამოვლინებაა",- თქვა ხაბეიშვილმა. 

მისი თქმით, დღეიდან იწყება უწყვეტი ბრძოლა რუსი ოლიგარქიული რეჟიმის დასამარცხებლად და ის მზადაა, მიიღოს ყველა, ვინც ამ პროცესს შეუწყობს ხელს. 

"ცხადია, ჩვენ არ ვაპირებთ ზეიმს, დღეიდან იწყება პროცესი, რომელიც ჩვენს ქვეყანას გაიყვანს სამშვიდობოს, როგორც ეს მიშამ და მისმა თანამებრძოლებმა გააკეთეს 2003 წელს. ჩვენ ვაპირებთ შრომას და არ დავიღლებით არასდროს. დღეიდან ახალი ენერგიითა და შემართებით, ვიწყებთ რთულ, მაგრამ უწყვეტ ბრძოლას რუსი ოლიგარქიული რეჟიმის დასამარცხებლად. სწორედ ამიტომ, "ნაციონალური მოძრაობა" დღეიდან იქნება ღია  ყველა ახალი ადამიანისთვის, ძველი თუ ახალი თანამებრძოლისთვის, რომელსაც თუნდაც ერთი აგურის დადება შეუძლია ამ ბრძოლაში",- განაცხადა ხაბეიშვილმა. 

შეგახსენებთ, რომ "ერთიანი ნაციონალური მოძრაობის" ახალი თავმჯდომარე ლევან ხაბეიშვილი გახდა. ხაბეიშვილმა არჩევნებში ხმების 52,58% მიიღო, რითაც თავმჯდომარეობისთვის ბრძოლაში ნიკა მელია, ნონა მამულაშვილი და გიორგი მუმლაძე დაამარცხა.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება