სამწუხაროა, რომ მელია კიდევ ერთხელ გაება თავისი გუნდისა და ბელადის მიერ დაგებულ ხაფანგში, - ამის შესახებ საპარლამენტო უმრავლესობის ლიდერმა, ირაკლი ზარქუამ ჟურნალისტებს განუცხადა.

მისი თქმით, ნიკა მელია ცდილობს სახე შეინარჩუნოს და ისევ ვაჭრობა დაიწყო.

„ნიკა მელია საკუთარი გუნდისა და ბელადის მსხვერპლია. თითქოს რაღაც ცოტნე დადიანობას თამაშობდა. ამ ახალგაზრდას ძალიან ვგულშემატკივრობ, რადგან პარტიაში რებრენდინგი დაიწყო. ჩემთვის პარტიაში მის მიერ მიყვანილ ახალგაზრდებთან დებატები უფრო საინტერესოა, ვიდრე მაგალითად, გუბაზასთან, ბარამიძესთან და სხვა ოდიოზურ ფიგურებთან. ეს მას არ ეპატია და ახლა თავის სიტყვებსა და პრინციპებში გაიჭედა.

დღეს კიდევ მოვისმინეთ მორიგი მცდელობა, რომ საზოგადოება შეცდომაში შეიყვანოს. დათანხმდეს იმ გირაოს და ხვალვე გამოვა! ახლა უბრალოდ ცდილობს სახე შეინარჩუნოს და ისევ ვაჭრობა დაიწყო. მგონია, რომ ეს ადამიანი გაწირა თავისმა პარტიამ. უფრო მეტიც, თავისი ბელადი იქედან კარნახობს, რომ გამოდი და მოაწერე ხელი ამნისტიას. მას მოუწევს პარლამენტში შემოსვლა. სამწუხაროა, რომ მელია კიდევ ერთხელ გაება თავისი გუნდისა და ბელადის მიერ დაგებულ ხაფანგში და ეს თავის თავს დააბრალოს“, - განაცხადა ირაკლი ზარქუამ.

ავტორი: ექსპრესნიუსი,

სოციალური ქსელები

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა

ზურაბიშვილი: არ უნდა გავჩერდეთ და 26 მაისს ძალიან ბევრი ხალხი უნდა გამოვიდეს

ზურაბიშვილი არ გამორიცხავს, რომ ივანიშვილს საფრანგეთის მოქალაქეობა ჩამოართვან