JAC-ის ფირმის ელექტრომობილები შესაძლოა, საქართველოშიც აეწყოს - აღნიშნულ საკითხზე ისაუბრა დღეს, საქართველოს პირველმა ვიცე-პრემიერმა, ფინანსთა მინისტრმა, დიმიტრი ქუმსიშვილმა ჩინეთის ერთ-ერთი წამყვანი მანქანათმშენებელი კომპანიის, „Anhui Jianghuai Automobile Co" ტოპ-მენეჯმენტთან შეხვედრისას.

ჩინეთსა  და  საქართველოს  შორის  გაფორმებულ  თავისუფალი  ვაჭრობის  ხელშეკრულებას  ქართველი  ბიზნესსექტორი დადებით  აფასებს - განცხადება ამის შესახებ დღეს საქართველოს ბიზნეს ასოციაციის  წევრებმა  გააკეთეს.

სურსათის ეროვნულმა სააგენტომ გასულ კვირას თბილისსა და საქართველოს რეგიონებში 109 ინსპექტირება ჩაატარა. 

თიბისი ბანკმა პროგრამა „სტარტაპერის" ფარგლებში, ორი თვის განმავლობაში 1 მილიონ ლარზე მეტი მოცულობის სესხი გასცა. პროგრამის დაწყებიდან დღემდე,  სტარტაპსესხით უკვე 30-მდე დამწყებმა ბიზნესმა ისარგებლა, რომლებიც სხვადასხვა სფეროში ოპერირებენ: მათ შორის ტანსაცმლისა და ფეხსაცმლის წარმოება, ტექნოლოგიური მიმართულება, აგროსექტორი, ხელნაკეთი ნივთები, სასტუმროს მშენებლობა და სხვა.

ეკონომიკისა და მდგრადი განვითარების სამინისტროს პროგრამა „აწარმოე საქართველოში“ ფარგლებში 250 საწარმოთა შორის მხარდაჭერილი - შპს „მილი“ წარმოებას ზრდის.

საქართველო საერთაშორისო სამშენებლო გამოფენას „Caucasus Build” ექსპო ჯორჯიას 16-დან 19 მაისის ჩათვლით უმასპინძლებს.

საქართველოს დელეგაციამ პირველი ვიცე-პრემიერის, ფინანსთა მინისტრ დიმიტრი ქუმსიშვილის ხელმძღვანელობით, პეკინში ახალი ტექნოლოგიების კორპორაცია  „ჰუავეის" სადემონსტრაციო ტექნოლოგიური ცენტრი მოინახულა.

საქართველოს პირველი ვიცე-პრემიერი, ფინანსთა მინისტრი დიმიტრი ქუმსიშვილი კორპორაცია „ჟუმორის" (Jumore) თავმჯდომარესა და პრეზიდენტს, ლუ ჰონშანს შეხვდა.

ლარი დოლართან მიმართებაში გამყარდა, ევროსთან კი, გაუფასურდა.

დიმიტრი ქუმსიშვილმა ჩინეთის საქმიანი წრეების წარმომადგენლებთან სიტყვით გამოსვლისას განაცხადა, რომ საქართველო ისტორიულად იყო და არის აბრეშუმის გზის ნაწილი და უმოკლესი გზა ჩინეთიდან ევროპაში და პირიქით.

წინასწარი მონაცემებით, 2017 წლის იანვარ-აპრილში ექსპორტი წინა წელთან შედარებით 30%-ით გაიზარდა და 788 მილიონი აშშ დოლარი შეადგინა, ხოლო იმპორტი 13%-ით გაიზარდა და 2 303 მილიონი აშშ დოლარი შეადგინა. 

ჩინეთის სახალხო რესპუბლიკაში ვიზიტის ფარგლებში საქართველოს ეკონომიკისა და მდგრადი განვითარების მინისტრმა გიორგი გახარიამ აბრეშუმის გზის ფონდის ხელმძღვანელ პირებთან შეხვედრა გამართა. 

პაშა ბანკი შეუერთდა პროექტს „აღადგინე”, რომლის მიზანია ბორჯომის ხეობის ნახანძრალი ტერიტორიის (250–მდე ჰექტარი) სრული რეაბილიტაცია: გაწმენდა, შემოღობვა, 750 000 ხის ნერგის დარგვა და მოვლა მომავალი 5 წლის მანძილზე. პროექტი აერთიანებს როგორც ბიზნეს სექტორის წარმომადგენლებს, ასევე მსოფლიოს სხვადასხვა კუთხეში მცხოვრებ კერძო პირებს.

საქართველოს სოფლის მეურნეობის მინისტრმა, ლევან დავითაშვილმა, აშშ-ის საერთაშორისო განვითარების სააგენტოს მისიის დირექტორთან, დაგლას ბოლისთან და კახეთის მხარეში სახელმწიფო რწმუნებულ-გუბერნატორთან, ირაკლი ქადაგიშვილთან ერთად, პანკისის ხეობაში, ქვემო ხალაწანიში USAID-ის პროექტის Zrda ფარგლებში შექმნილი სასათბურე მეურნეობა დაათვალიერა.

2017 წლის აპრილში ქვეყანაში შემოსული ფულადი გზავნილების ნაკადების მოცულობამ 105.8 მლნ აშშ დოლარი, ანუ 255.7 მლნ ლარი შეადგინა.