მოგესალმებით,
ჟურნალისტური ეთიკის ქარტია 20 თებერვალს 10:00 სთ. დან 18:00 სთ-მდე, IREX-ის საკონფერენციო დარბაზი ატარებს ტრენინგს ხელმომწერი ჟურნალისტებისთვის თემაზე - ვიზუალიზაციის ეთიკური დილემები.
ტრენინგი განკუთვნილია თბილისში მომუშავე ჟურნალისტებისთვის.
ტრენინგი შედგება ორი მიმართულებისგან - სატელევიზიო და ფოტო მიმართულება.
სატელევიზიო მიმართულება - ამ ნაწილს ასრულებს ტრენერი ნინო ჯაფიაშვილი, რომელიც ამზადებს ტრენინგისთვის მაგალითებს ქართული და საერთაშორისო პრაქტიკიდან. ტრენერი მონაწილეებთან ერთად იხილავს და მსჯელობს ამ თუ იმ კადრის პრობლემატიკის შესახებ, ან როგორი შეიძლებოდა ყოფილიყო ალტერნატიული გადაღება.
ფოტო მიმართულება - ამ ნაწილს ასრულებს ტრენერი გიორგი აბდალაძე, რომელიც ამზადებს ტრენინგისთვის ვიზუალურ მასალას, როგორც საკუთარი პრაქტიკიდან, ისე უცხოური და ადგილობრივი მედიიდან. ტრენინგის ამ ნაწილში განიხილება ის ფოტო მაგალითები, რომელიც წლების განმავლობაში იყო და დღემდე რჩება ფოტოგრაფთა ეთიკურ დილემებად.
მონაწილეობის მსურველებმა გთხოვთ, გამოგვიგზავოთ რეზიუმე 7 თებერვლის 18:00 სთ.მდე შემდეგ ელფოსტაზე: ethicscharter@gmail.com
იმეილის სათაურში გთხოვთ, მიუთითოთ: " ტრენინგი - ვიზუალიზაციის ეთიკური დილემები"
საუკეთესო სურვილებით,
ჟურნალისტური ეთიკის ქარტია
epn.ge (@expressnews.ge)
