2019-03-11 17:55:40, 1488 ნახვა

---

სუბარი: მამუკა ხაზარაძეს უნდა რაც შეიძლება შორს წაგვიყვანოს მთავარი თემიდან და შემდეგ აქეთ გვამუნათოს

„თიბისის“ საქმესთან დაკავშირებით  მუდმივად მიდის გადაფარვის მცდელობები, რომ არავინ  ილაპარაკოს საქმეზე და ვილაპარაკოთ რაღაც შემოგდებულ თემებზე“ - ამის შესახებ "ტვ პირველის" დღის ამბებში პრემიერ-მინისტრის მრჩეველმა რეგიონულ საკითხებში  სოზარ სუბარმა განაცხადა. 

მისი თქმით, თავად მამუკა ხაზარაძეც ამბობს, რომ გადაფარვის მცდელობა მიდის.

„რასაც მე ვამბობ იმას ამბობს, ანუ თვითონ აგდებს რაღაც თემებს, რომლითაც რაც შეიძლება შორს უნდა წაგვიყვანოს მთავარი თემიდან და შემდეგ აქეთ გვამუნათებს” - განაცხადა სოზარ სუბარმა. 

მისი შეფასებით, ბოლო დღეების განმავლობაში "ტვ პირველის“ ეთერში მთავარი თემა სწორედ წერილი იყო, შემდეგ რატომღაც აღმოჩნდა, რომ მამუკა ხაზარაძისთვის მანამდე, უფრო ადრეც მისმა ადვოკატმა კორძაძემ თქვა, რომ ეს არ იყო მისთვის მომგებიანი თემა.

“რამდენიმე დღის წინ პრემიერ-მინისტრმა მამუკა ბახტაძემ დააანონსა განათლების სისტემის ახლებური ხედვა, რომელსაც კანონის ძალა ექნება. იმავე დღეს, როდესაც ეს დაანონსდა, თქვენთან მოსულ არცერთ სტუმარს ჩვენი გუნდიდან არ მიეცით საშუალება ერთი სიტყვა მაინც ეთქვათ.... ალაპარაკებინედით მხოლოდ ამ წერილზე და ეხლა თქვენ მეუბნებით, რომ უმრავლესობის წევრები მხოლოდ წერილზე ლაპარაკობდნენ და არ ლაპარაკობდნენ საქმეზე” - განაცხადა სუბარმა.ულები.  

სოზარ სუბარი უმცირესობის დეპუტატ რომან გოცირიძესაც პასუხობს და აცხადებს, რომ ერთი მხრივ არალოგიკურია საგამოძიებო კომისიის  შექმნა გინდოდეს, და მეორეს მხრივ ამბობდე რომ კითხვები არ დაისვას. 

„თუ საგამოძიებო კომისია იქნება  ე.ი კითხვებიც უნდა დაისვას და ეს კითხვები იქნება ხშირად ძლიან მძაფრი. არის ეჭვები. არის მათ შორის კითხვები, რომელსაც ეთანხმებიან  მამუკა ხაზარაძე და ბადრი ჯაფარიძე. ეს არის ის,  რის გამოც მათ დააკისრა ეროვნულმა ბანკმა ჯარიმა  და ისინი კვალიფიკაციებში დაობენ ძირითადად. ისინი ამბობენ,  ჩვენ კანონი დავარღვიეთ, არასწორად მოვიქეცით, მაგრამ ეს არ არის ფულის გათეთრება. გათეთრება - არ გათეთრება ეს არ არის ეროვნული ბანკის თემა, ეს არის საგამოძიებო ორგანოს თემა და ისინი დაადგენენ, იყო გათეთრება, თუ არ იყო, რამე უფრო სერიოზული იყო თუ საერთოდ არაფერი არ იყო. აქ რომ რამე პოლიტიკური  და შურისძიების შემადგენელი ყოფილიყო, ყველაფერი მოხდებოდა ისე, როგორც ხდებოდა წინა ხელისუფლების დროს, როცა ერთ დღეში ხდებოდა საქმის აღძვრა,  თუ გამოძიების დაწყება, როგორც ჰქვია დღეს ამ პროცესს, ბრალის წარდგენაც, ბრალდებულის დაკავებაც და რამდენიმე დღეში სასამართლო განაჩენსაც ააფარებდნენ სახეზე“ .” - განაცხადა სოზარ სუბარმა. 

მისი თქმით, ხაზარაძეს ჯერ ბრალი არ აქვს წარდგენილი. 

„დანაშაული დაინახა პროკურატურამ, მაგრამ კონკრეტული ბრალი ჯერ არავის არ აქვს წარდგენილი, იმიტომ რომ ამას თავისი პროცესი და მტკიცებულებები აქვს.  შესაბამისად,  ვის წარედგინება ბრალი და რა იქნება ის ბრალი ამას დრო და მოვლენები აჩვენებს. მე, საქმის ძიების მასალებში ნამდვილად არ ვარ ჩახედული იმ, საჯარო ინფორმაციის გარდა,  რომელიც ძალიან დიდი რაოდენობით გავქვს ყველა ჩვენთაგანს“ - განაცხადა სოზარ სუბარმა.

 

(NS)

---

ავტორი: ,

---

დღის თემა

მთავარი თემა

ინტერვიუ - ექსკლუზივი