გორში მოკლული 9 წლის გოგონას ბაბუა ხვიჩა ბერიაშვილი აცხადებს, რომ არსებობს ვიდეოჩანაწერი, რომელიც ბრალდებულმა იაგო ნებიერიძემ მის შვილიშვილს გადაუღო.

როგორც ბერიაშვილმა აღნიშნა, მან ვიდეოს შინაარსი ჯერ არ იცის, თუმცა სურს, რომ გამოძიებამ ეს ჩანაწერი აჩვენოს.

„რაღაც ვიდეო არსებობს, რომელშიც ჩანს. ალბათ, საშინელება. არ ვიცი,  უნდა ვნახო. როგორც მეუბნებიან ბრალდებულის გადაღებულიაო, როგორც გამოძიება მეუბნება. მირჩევენ არ ნახოო, მაგრამ უნდა ვნახო, რომ დავრწმუნდე და თუ ეგრე არ იქნება გორელების იმედი მაქვს. მე მთელ საქართველოს ვეუბნები და გორიდან ვიწყებ, რომ მარტო არ დავრჩე და ნანიკოს მივხედოთ“, - ამბობს ხვიჩა ბერიაშვილი.

ცნობისთვის, 25 ოქტომბერს, გორში, 9 წლის ბავშვის ცხედარი იპოვეს. გავრცელდა ინფორმაცია, რომ ბავშვს თავზე პოლიეთილენის პარკი ჰქონდა წამოცმული. აგრეთვე გოგონას ფეხები მავთულებით ჰქონდა შეკრული. ის მდინარე ლიახის მიმდებარე ტერიტორიაზე სამართალდამცველებმა რამდენიმე საათიანი ძებნის შემდეგ აღმოაჩინეს. ბავშვი 24 ოქტომბერს, დღის მეორე ნახევარში დაიკარგა, რის შემდეგადაც მშობლებმა პოლიციას მიმართეს. გოგონას სასტიკი მკვლელობის ფაქტთან დაკავშირებით შინაგან საქმეთა სამინისტრომ ერთი პირი, 1984 წელს დაბადებული იაგო ნებიერიძე დააკავა. დაკავებული ბავშვის საცხოვრებელი სახლის მეზობლად სარემონტო სამუშაოებს აწარმოებდა. მომხდარ ფაქტთან დაკავშირებით გამოძიება თავდაპირველად სსკ-ის 109-ე მუხლით მე-2 ნაწილით მიმდინარეობდა, რაც დამაძიმებელ გარემოებაში განზრახ მკვლელოას გულისმობს. მოგვიანებით ნებიერიძის ბრალდებას სისხლის სამართლის კოდექსის 141-ე მუხლიც დაემატა. აღნიშნული მუხლი ძალადობის გარეშე 16 წელს მიუღწეველთან, დამნაშავისთვის წინასწარი შეცნობით ჩადენილ გარყვნილ ქმედებას გულისხმობს. 

ინფორმაციას "რუსთავი 2" ავრცელებს. 

ავტორი: ,

სოციალური ქსელები

ესპანეთის ყოფილი შრომის მინისტრი ავარიისას ერთ-ერთ მატარებელში იმყოფებოდა, სავარაუდოდ, გარდაიცვალა

ზელენსკიმ სამშვიდობო შეთანხმების დადებისას პირველად შესთავაზა რუსეთს უსაფრთხოების გარანტიები

ევროკომისიამ რუსული გაზის ევროკავშირში დაბრუნება უკრაინაში მშვიდობის დამყარების შემდეგაც კი გამორიცხა

ესპანეთში მატარებლების შეჯახების შედეგად დაღუპულთა რიცხვი 64-მდე გაიზარდა