|
2018-06-11 20:32:38, 1239 ნახვა
სამართალი
რუსთაველის გამზირი ისევ გადაიკეტა [ვიდეო]
პარლამენტის შენობასთან, რუსთაველის გამზირზე საავტომობილო გზა ისევ გადაიკეტა. ამჯერად გზა სამართალდამცველებმა გადაკეტეს, თუმცა აღნიშნულის მიზეზი უცნობია. აქცია დღეს თავდაპირველად 14:00 საათზე, შემდეგ კი, 18:00 საათზე იყო დაგეგმილი, თუმცა ამ დრომდე არ დაწყებულა. ტერიტორიაზე სამართალდამცველების დიდი რაოდენობაა მობილიზებული. პარლამენტის ეზოში სპეცრაზმი იმყოფება, ხოლო სუს-ის ადმინისტრაციულ შენობაში, რომელიც პარლამენტიდან რამდენიმე ათეულ მეტრში მდებარეობს, წყლის ჭავლის მანქანები დგას. შეგახსენებთ, წუხელ აქციის მონაწილეებმა რუსთაველის გამზირზე საავტომობილო გზა კარვებით გადაკეტეს. კარვები სამართალდამცველებმა დღეს დილით აიღეს და პარლამენტთან დააბრუნეს, თუმცა მოგვიანებით, დაშალეს და ტერიტორიიდან სატვირთო ავტომობილით გაიტანეს. ადგილზე რამდენიმე ინციდენტიც მოხდა. შსს-ს ინფორმაციით, წვრილმანი ხულიგნობისა და პოლიციისადმი დაუმორჩილებლობის ბრალდებით სულ 19 პირი დააკავეს, მათ შორის აქციის ერთ-ერთი მონაწილე ზვიად კუპრავა საკრებულოს დეპუტატი ირაკლი ნადირაძე. გარდა ამისა, როგორც შსს-ში აცხადებენ, ტერიტორიას გაარიდეს „ნაციონალური მოძრაობის“ ლიდერი, დეპუტატი ნიკანორ მელია. კუპრავას და მასთან ერთად დაკავებულ სამ პირს 14-დღიანი პატიმრობა მიესაჯათ. რაც შეეხება ირაკლი ნადირაძეს, იგი ხელწერილის საფუძველზე გაათავისუფლეს. ამ დროისთვის ნიკა მელია და ირაკლი ნადირაძე სხვა პოლიტიკოსებთან ერთად, კვლავ პარლამენტის შენობასთან იმყოფებიან. ადგილზეა პანკისის სპეცოპერაციისას მოკლული თემირლან მაჩალიკაშვილის მამაც, მალხაზ მაჩალიკაშვილი. რაც შეეხება ხორავას ქუჩაზე მოკლული მოზარდის მამას, ზაზა სარალიძეს, იგი ამ დროისთვის პარლამენტში, დროებითი საგამოძიებო კომისიის წევრებს ხვდება. შეხვედრას მისი ადვოკატი და სახალხო დამცველი ესწრებიან.
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
რუსებმა ოდესაში საცხოვრებელი სახლები დაბომბეს, რის შედეგადაც ორი ადამიანი დაიღუპა და 15 დაშავდა
რუსებმა დნეპრის ცენტრში მაღალსართულიან შენობა დაბომბეს, რის შედეგადაც ორი ადამიანი დაიღუპა და 10 დაშავდა
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|





epn.ge (@expressnews.ge)