დედაქალაქის საკრებულომ  დღევანდელ სხდომაზე პუშკინის სკვერთან მიწის ნაკვეთსა და თაბორის მთაზე 5 000 კვადრატული მეტრი ფართობის ტერიტორიისთვის ზონალურ ცვლილებას მხარი დაუჭირა.

აღნიშნული საკითხის მომხრე 28 დეპუტატი იყო, ხოლო წინააღმდეგი 3.

მიღებული გადაწყვეტილების თანახმად, თავისუფლების მოედანზე, პუშკინის სკვერის მიმდებარედ არსებულ მიწის ნაკვეთზე მიწისქვეშა პარკინგის მოსაწყობად და თაბორის მთაზე 5 000 კვადრატულ მეტრ ფართობზე საირიგაციო სისტემის მშენებლობისთვის ლანდშაფტური ზონის ცვლილება განხორციელდა.

ცნობისთვის, კენჭისყრა და საკითხის განხილვა საკრებულოში დაპირისპირების ფონზე წარიმართა. მმართველი გუნდისა და ოპოზიციის დეპუტატებს შორის სიტყვიერი დაპირისპირება მოხდა. საკრებულოს მიერ ყოფილი პრემიერ-მინისტრის, ბიძინა ივანიშვილის კომპანიისთვის პუშკინის სკვერის მიმდებარედ და თაბორის მთაზე მიწის გადაცემის საკითხის განხილვამ ოპოზიციის უკმაყოფილება და პროტესტი გამოიწვია. ხმაურის გამო, სხდომა თითქმის 2 საათის განმავლობაში ვერ იწყებოდა, თუმცა მას შემდეგ, რაც დაცვამ ოპოზიციის წევრები დარბაზიდან გააძევა, სხდომა განახლდა. 

ავტორი: ,

სოციალური ქსელები

ბრეიზა სანქციებს ითხოვს - კობახიძე ბრიუსელში ვიზიტს პროპაგანდისთვის იყენებს

პაველ ჰერჩინსკი - ნუ დაკარგავთ იმედს, საქართველოს მომავალი ქართველი ხალხის ხელშია

ჰერჩინსკი - საქართველო ევროკავშირის კანდიდატად მხოლოდ სახელით რჩება

კალასი - იანვარში საქართველოს შესახებ სიღრმისეულად ვიმსჯელებთ