|
2017-09-22 18:20:43, 2274 ნახვა
პოლიტიკა
ლევან იზორია კანადასა და ლიტვის რესპუბლიკას ეწვევა
საქართველოს თავდაცვის სამინისტროს დელეგაცია თავდაცვის მინისტრის ხელმძღვანელობით კანადაში გაემგზავრა. ლევან იზორია ტორონტოში „ძლიერთა თამაშების“ (Invictus Games) გახსნის ოფიციალურ ცერემონიალს დაესწრება და საერთაშორისო ასპარეზობაში მონაწილე დაშავებულ ქართველ სამხედრო მოსამსახურეებს უგულშემატკივრებს. დაგეგმილია კანადაში საქართველოს ელჩის სახელით თავდაცვის მინისტრისა და Invictus Games-ში მონაწილე დაშავებული ქართველი სამხედროების ოფიციალური მიღება. ტორონტოში ვიზიტისას საქართველოს თავდაცვის მინისტრი კანადელ კოლეგას ჰარჯიტ საჯანს შეხვდება, სადაც მხარეები ყურადღებას სამხედრო სფეროშო არსებულ თანამშრომლობაზე და სამომავლო გეგმებზე გაამახვილებენ. კანადიდან თავდაცვის სამინისტროს დელეგაცია ლიტვის რესპუბლიკაში გაემგზავრება. ვილნიუსში ვიზიტს ლევან იზორია ლიტველ კოლეგასთან რაიმუნდას კარობლისთან შეხვედრით დაიწყებს. საქართველოს თავდაცვის მინისტრის ოფიციალური დახვედრის ცერემონიალი ლიტვის ეროვნული თავდაცვის სამინისტროს სკვერში ორკესტრისა და საპატიო ყარაულის თანხლებით გაიმართება. ვილნიუსში ლევან იზორია მონაწილეობას კონფერენციაში „აღმოსავლეთ პარტნიორები ევროპის უსაფრთხოებისა და თავდაცვის სფეროში - ევროკავშირის გლობალური სტრატეგიის დანერგვა პრაქტიკაში" მიიღებს და პანელზე სიტყვით ლიტვის საგარეო საქმეთა მინისტრთან ლინას ლინკევიჩიუსთან ერთად გამოვა. ვილნიუსში ვიზიტის ფარგლებში დაგეგმილია საქართველოს თავდაცვის მინისტრის შეხვედრები ლიტვის რესპუბლიკის საგარეო საქმეთა მინისტრთან ლინას ლინკევიჩიუსთან, სეიმის ეროვნული უსაფრთხოების და თავდაცვის კომიტეტის წარმომადგენლებთან და გაერთიანებული შტაბის უფროსთან, გენერალ-მაიორ ვიტალიუს ვაიკშნორასთან. (NS)
ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს
ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა
ევროპის დღესთან დაკავშირებით ქართული ახალგაზრდული ორგანიზაციები ევროკავშირის ინსტიტუტების ლიდერებს ღია წერილით მიმართავენ
პეტერ მადიარი უნგრეთის პრემიერი ოფიციალურად გახდა
|
რედაქტორის რჩევით
ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო
წინადადება თბილისს: იცვლის თუ არა უკრაინა კურსს საქართველოსთან მიმართებაში
ომი უკრაინაში
ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა
რუსეთის ფედერაციამ სუმის ოლქი დაბომბა: 5 დაღუპული, 11 დაჭრილი
ვიდეო/LIVE პატრიარქის ილია მეორის დაკრძალვა - პირდაპირი
|





epn.ge (@expressnews.ge)