სააგენტო „ინტერფაქსის“ რედაქტორი, 33 წლის იური ნიკიფოროვი მოსკოვის ოლქში, საკუთარი სახლის ეზოში გარდაცვლილი იპოვეს, - ამის შესახებ Lenta.ru იუწყება.

მედია საშუალების ინფორმაციით, ჟურნალისტის ცხედარი მისმა მეუღლემ აღმოაჩინა.

როგორც სააგენტო წერს, შემთხვევის ადგილზე ექსპერტკრიმინალისტები მუშოაბენ, ხოლო ნიკიფოროვის ცხედარი პროზექტურაშია გადაყვანილი. სამართალდამცველები გარდაცვალების მიზეზს არკვევენ. ოფიციალური ვერსია ჯერჯერობით უცნობია. 

მედიაში ასევე გავრცელდა, ჟურნალისტის გარდაცვალების არაოფიციალური ვერსია, რომლის თანახმადაც მან თავი მოიკლა და მისმა მეუღლემ ის სახლის ეზოში ჩამოკიდული იპოვა.

გარდა ამისა, „ინტერფაქსის“ გენერალური დირექტორის მოადგილის, ალექსეი გორშკოვის თქმით, ჟურნალისტის გარდაცვალების მიზეზი შესაძლოა მისი პროფესიული საქმიანობა იყოს.

„გავრცელდა ინფორმაცია თვითმკვლელობის შესახებ. ამის შესახებ კომენტარი სამართალდამცავებმა უნდა გააკეთონ, თუმცა, ჩვენი თვალსაზრისით, ეს უცნაური ისტორიაა. არც კოლეგებსა და არც ახლობლებს ამ ვერსიის დამადასტურებელი ნიშნები არ შეუნიშნავთ. ვიმედოვნებთ, რომ გამოძიება დეტალურად ჩატარდება“, - განაცხადა გორშკოვმა.

ცნობისთვის, იური ნიკიფოროვი სააგენტო „ინტერფაქსის“ რედაქტორად 2014 წლიდან მუშაობდა.

ავტორი: ,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა