საქართველოში ეპიდემიოლოგიური უსაფრთხოების ზედამხედველმა სტრუქტურებმა ბიოუსაფრთხოების მე-7 ყოველწლიურ სიმპოზიუმში მონაწილეობა მიიღეს.  

სოფლის მეურნეობის სამინისტროს ინფორმაციით, შეხვედრის დროს, მხარეებმა  ერთობლივი ბიოლოგიური თანამშრომლობის პროგრამის ფარგლებში განხორციელებული ბიოუსაფრთხოებისა და ბიოდაცვის აქტუალური საკითხები განიხილეს. 

უწყების პრესსამსახურის ინფორმაციით, სოფლის მეურნეობის სამინისტროს  ლაბორატორიის, სურსათის ეროვნული სააგენტოსა და დაავადებათა კონტროლის ცენტრის სპეციალისტებმა წარმოადგინეს პრეზენტაციები და განიხილეს თავიანთ უწყებებში განხორიციელებული აქტივობები და გამოცდილება. 

სიმპოზიუმთან ერთად, ბიუსაფრთხოების ოფიცრების შეხვედრები პერიოდულად ტარდება და მისი მიზანია ქვეყანაში ეპიდზედამხედველობისათვის საიმედო გარემოს შექმნა.

აღნიშნული პროგრამა  ორიენტირებულია საერთაშორისო სტანდარტის პრაქტიკაზე, უსაფრთხო სამუშაო პროცედურებზე, ასევე ქცევითი ნორმებისა და ადგილობრივი წესების დაცვაზე.

ბიოლოგიურ ანგეტებთან მუშაობის დროს, აუციელებლია  რისკის  ადეკვატური შეფასება, რაც თავის მხრივ აისახება, როგორც მომუშავე პერსონალის, ისე მოსახლეობისათვის უსაფრთხო გარემოს უზრუნველყოფაზე. 

მნიშვნელოვანია სსიპ საქართველოს სოფლის მეურნეობის სამინისტროს ლაბორატორიიის როლი ეპიზოოტური კეთილსაიმედოობის უზრუნველყოფაში. 

ლაბორატორიები ქვეყნის მასშტაბით აქტიურად არიან ჩართული აშშ-ის თავდაცვის საფრთხის შემცირების სააგენტოს (DTRA) მიერ „ერთობლივი ბიოლოგიური თანამშრომლობის”  ფარგლებში, „ერთიანი ჯანმრთელობის „ პროგრამაში და ა სრულ  მზადყოფნაში არიან ეპიდ-აფეთქებების რისკის დროს, ბიოუსაფრთხოების პრინციპების სრული დაცვით, დროულად ჩაერთონ ლაბორატორიულ კომპონენტში.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი ევროკავშირის ელჩ პაველ ჰერჩინსკის ღია წერილით მიმართავს

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე