საქართველოს ფინანსთა სამინისტროს მომსახურების სააგენტომ საქართველოს ეროვნულ მუზეუმს იშვიათი სამუზეუმო ექსპონატები გადასცა.

სახელმწიფო საკუთრებაში არსებული 3 ცალი ხმალი, გერმანული დაშნა (მესამე რაიხის პერიოდი, 1933-1945წწ), ინდური ხმალი „ტალვარი“ (XVIII საუკუნე) და რუსული ხმალი „შაშკა“ (1940წ), ეროვნულ მუზეუმს, დადგენილი წესით, უსასყიდლოდ გადაეცა. აღნიშნული ქონება სახელმწიფო საკუთრებაში საბაჟო პროცედურების დარღვევისათვის მიიქცა.

ხსენებული ნივთები საინტერესოა, როგორც მხატვრული თვალსაზრისით, ასევე სამეცნიერო და საექსპოზიციო მნიშვნელობით. აღსანიშნავია, რომ ინდური და გერმანული იარაღის ანალოგიური ნიმუშები საქართველოს ეროვნული მუზეუმის კოლექციებში აქამდე არ ყოფილა დაცული. წარმოდგენილი იარაღი ეროვნული მუზეუმის იარაღის ფონდის კოლექციას კიდევ უფრო მრავალფეროვანს გახდის.

აღნიშნული ფაქტი მომსახურების სააგენტოსა და საქართველოს ეროვნული მუზეუმს შორის აქტიური თანამშრომლობის კიდევ ერთი თვალსაჩინო მაგალითია. გასულ წლებში მომსახურების სააგენტომ ეროვნულ მუზეუმს ნიკო ფიროსმანაშვილის ფერწერული ტილო „ბატკანი“ და აბრა „კახური ღვინო“, სხვადასხვა დასახელების ოქროს ნივთები, ხატები, ნუმიზმატიკური და ჰერალდიკური ხასიათის მატარებელი ექსპონატები, უსასყიდლოდ გადასცა.

მომსახურების სააგენტო, შეძლებისდაგვარად განაგრძობს ეროვნული სამუზეუმო კოლექციების შესავსებად მსგავსი ტიპის აქტივობების განხორციელებას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე

დრონებმა მოსკოვს, იაროსლავისა და როსტოვის ნავთობგადამამუშავებელ ქარხნებს შეუტიეს, შედეგად ხანძარი გაჩნდა