კონსტიტუციური ცვლილებების საყოველთაო სახალხო განხილვა დამატებით 10 მუნიციპალიტეტში გაიმართება, რომელიც სხვადასხვა კრიტერიუმით შეირჩა.

ამის შესახებ პარლამენტის თავმჯდომარე ირაკლი კობახიძემ კონსტიტუციური ცვლილებების საყოველთაო სახალხო განხილვის საორგანიზაციო კომისიის სხდომის შემდეგ გამართულ ბრიფინგზე აღნიშნა.

კერძოდ, განხილვა გაიმართება  ზესტაფონში, სამტრედიაში,  სიღნაღში,  ხულოში, ახალქალაქში,  ოზურგეთში,  ფოთში, ყაზბეგში,  მესტიაში და თბილისში./p>

კობახიძის თქმით, ასევე შეხვედრები გაიმართება უნივერსიტეტებში აკადემიურ წრეებთან. "22-23 მაისს იმართება შეხვედრა, ვენეციის კომისიის, სხვა უცხოელი ექსპერტების, პოლიტიკური პარტიების, არასამთავრობო ორგანიზაციების და ქართველი ექსპერტების მონაწილეობით, ესეც იქნება ამ განხილვის შემადგენელი ნაწილი და ასევე ამ განხილვის ფორმატში შედგება შეხვედრა პოლიტიკური პარტიების წარმომადგენლებთან",-აღნიშნა კობახიძემ.

მისივე განმარტებით, განხილვები საბოლოო ჯამში 1 თვის ვადაში დასრულდება და შემუშავდება დოკუმენტი, რომელზეც გაგრძელდება მსჯელობა საქართველოს პარლამენტში.

რაც შეეხება დედაქალაქს, თბილისში 10  შეხვედრა რაიონების მიხედვით თვის ბოლოსთვის იგეგმება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკისა და სულაკაურის შეთავაზება მოსწავლეებისა და სტუდენტებისთვის

ალიანსი: 4 ოქტომბრის საქმეზე დაკავებულები არიან პოლიტიკური პატიმრები

ლელო: სპეცრაზმელების დაკავება არის ოცნების მორიგი ფარსი და თავის გადარჩენის მცდელობა

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო