„ბავშვთა სამყაროს“ ხანძრის შედეგად დაზარალებულები მთავრობის ადმინისტრაციასთან შიმშილობას  განაგრძობენ.

მათი განცხადებით, პრემიერ-მინისტრთან შეხვედრას ამ დრომდე უშედეგოდ ცდილობენ.

მათი მოთხოვნები უცვლელია. ისინი ხელისუფლებისგან  ხანძრის გაჩენის მიზეზების ობიექტურ გამოძიებასა და ზარალის ანაზღაურებას ითხოვენ.

ბავშვთა სამყაროს დაზარალებულები მომავალ კვირაში ბიძინა ივანიშვილის ბიზნესცენტრთან გადაინაცვლებენ, სადაც კარვებს გაშლიან:

„25 რიცხვიდან აქ ვსხედვართ. ვათენებთ და ვაღამებთ აქ. ზარალის ანაზღაურებას ვითხოვთ. ასევე ვითხოვთ ბანკების უპროცენტოდ შეჩერებას და საქმის  დროულად გამოძიებას. ბოლო ბოლო, ჩვენ გავიგეთ მაჭავარიანის გარდა,  ასათიანის და აბდუშელაშვილის რომ ყოფილა და ჩვენ რომ ვიცით, ამდენი მაგათ დაავიწყდათ, გამოძიონ ეს საქმე. ჩვენ მტრები კიარ ვართ ამათი. ვითხოვთ პრემიერთან შეხვედრას. მომავალ კვირაში ბიძინა ივანიშვილის რეზიდენციასთან გავშლით კარვებს და იქ დავიწყებთ შიმშილობას. ნორმალური ქცევა არ უნდათ. ჩვენ დაგვეწვა სერიოზული საქონელი. მადლიერი ვართ საკრებულოსი, კეთილი ნება გამოიჩინა, 3 000 კიარა, 3 ლარი რომ ფული ყოფილა, ახლა გავიგე. 35  000 მაქვს ბანკის ვალი აღებული, ვიხდიდი წინმსწრებადაც კი.  იქონიონ ნამუსი და ამდენი ხალხი მტრებად არ გაიჩინონ. სოხუმელი ვარ, მერამდენედ დავიწყო ხელმეორედ ცხოვრება?!  დავიღალე, უკვე გარეკვას ცოტა მიკლია, ცოდვები არ ვართ, ხალხი არ ვართ ჩვენ?! საერთო ჯამში 300-ზე მეტი ვართ დაზარალებული“,-განუცხადა „ექსპრესნიუსს“ ერთ-ერთმა დაზარალებულმა ჯული ელიავამ.

30 იანვარს, თბილისში, თევდორე მღვდლის ქუჩაზე არსებული "ბავშვთა სამყარო" დაიწვა, რამაც ტანსაცმლით  მოვაჭრეების პროდუქცია, თითქმის სრულად გაანადგურა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქალს რომელიც 11 წლის შვილს შრომით ექსპლუატაციას უწევდა, ბრალდება წარედგინა

4 ოქტომბრის საქმეზე ზურაბ ჭავჭანიძესა და ანტონ ვარდანიძეს საპროცესო გაუფორმეს

ხოშტარია: ირაკლი ღარიბაშვილი პოლიტიკური ანგარიშწორების მსხვერპლია

გაძვირდა თევზი, ხორცი და ხილი