საქართველოს სოფლის მეურნეობის სამინისტროსა და გაეროს სურსათისა და სოფლის მეურნეობის ორგანიზაციის (FAO) საქართველოს წარმომადგენლობის ორგანიზებით, მიმდინარე წლის 20 ოქტომბერს 12:00 სთ-ზე, სასტუმრო ,,ქორთიარდ მერიოტში“,   ,,მსოფლიო სურსათის დღისადმი“  მიძღვნილი ღონისძიება გაიმართება. 

ამის შესახებ "ექსპრესნიუსს" სოფლის მეურნეობის სამინისტროდან აცნობეს. 

მათივე ინფორმაციით,  წელს,  “მსოფლიო სურსათის დღის” მთავარი თემა კლიმატის ცვლილებაა. 

აღსანიშნავია, რომ გაეროს გენერალურმა ასამბლეამ 2016 წელი  პარკოსანი კულტურების საერთაშორისო წლად ოფიციალურად გამოაცხადა.

 შესაბამისად,  მიმდინარე წელს  ,,მსოფლიო სურსათის დღე“, რომელიც გაეროს წევრი ქვეყნების მიერ ყოველწლიურად აღინიშნება,  კლიმატის ცვლილებებსა და პარკოსან  კულტურებს მიეძღვნება.

ღონისძიებას სოფლის მეურნეობის მინისტრი ლევან დავითაშვილი და FAO-ს წარმომადგენელი საქართველოში მამუკა მესხი გახსნიან. 

 ღონისძიებაში მონაწილეობას მიიღებენ  ევროპული სკოლი მოსწავლეები,  რომლებიც კლიმატის ცვლილებებთან ბრძოლის მიმართულებით  ახალი თაობის ხედვას და კონცეფციას წარმოადგენენ.   

ღონისძიების ფარგლებში, შეფ-მზარეული მანუელ ბარანდა თანამედროვე კულინარიაში ტრადიციული ქართული პარკოსანი კულტურების გამოყენებაზე ისაუბრებს.

სტუმრებს საშუალება მიეცემათ  სპეციალურად ამ დღისთვის, პარკოსნებით მომზადებული ტრადიციული ქართული და ევროპული  კერძები დააგემოვნონ.

“მსოფლიო სურსათის დღისადმი” მიძღვნილ ღონისძიებას  საქართველოს მთავრობის, დიპლომატიური კორპუსის, საერთაშორისო და დონორი ორგანიზაციების, არასამთავრობო და კერძო სექტორის წარმომადგენლები დაესწრებიან.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს

დიუშენის სინდრომის მქონე ბავშვების მშობლებმა საქართველოს პროკურატურას მიმართეს