თბილისობის დღესასწაულთან დაკავშირებით, დედაქალაქში ვიზიტით მყოფი დაძმობილებული ქალაქების დელეგაციები ღონისძიებებს ესწრებიან.

თბილისის მერი დავით ნარმანია ზაარბრიუკენისა და თბილისის დაძმობილების 40 წლისადმი მიძღვნილი წიგნის პრეზენტაციას ზაარბრიუკენის მერთან, შარლოტე ბრიცთან ერთად დაესწრო. პრეზენტაციის პარალელურად ზაარბრიუკენი-თბილისი-ნანტის სამმხრივი დაძმობილების აღსანიშნავად ერთობლივი გამოფენა „ფოტომარათონი 2016“ გაიმართა.

მოსწავლე-ახალგაზრდობის სასახლეში გამართულ ღონისძიებას ესწრებოდნენ საფრანგეთისა და გერმანიის სრულუფლებიანი ელჩები საქართველოში, წიგნის ავტორი ალექსანდრე კარტოზია, მერიისა და საკრებულოს წარმომადგენლები, ასევე, გოეთესა და ფრანგული ინსტიტუტების თანამშრომლები.

დავით ნარმანიამ შეკრებილ სტუმრებს სიტყვით მიმართა და თბილისში ვიზიტით მყოფ დელეგაციებს თანამშრომლობისთვის მადლობა გადაუხადა.

„თბილისობის დღესასწაულზე სტუმრად გვყავს ზაარბრიუკენის მერი. ზაარბრიუკენთან, როგორც დაძმობილებულ ქალაქთან, ჩვენ მრავალწლიანი თანამშრომლობა გვაკავშირებს. ამ მეგობრობის აღსანიშნავად გამოიცა წიგნი, რომლის პრეზენტაციაზეც დღეს ვიმყოფებით. სახელმძღვანელო მოიცავს ქალაქებს შორის 40-წლიანი თანამშრომლობის ისტორიას, პროგრამებსა და პროექტებს, რომელიც თბილისმა და ზაარბრიუკენმა ერთობლივად განახორციელეს. დარწმუნებული ვარ, რომ ჩვენი თანამშრომლობა მომავალშიც წარმატებულად გაგრძელდება და კიდევ არაერთი ურთიერთსასარგებლო პროექტის განხორციელებას შევძლებთ“, - განაცხადა თბილისის მერმა.

ღონისძიებაზე წარმოდგენილი წიგნი „ზაარბრიუკენი-თბილისი 40„ თბილისისა და ზაარბრიუკენის დაძმობილების ისტორიას ეძღვნება. გასულ წელს ორი ქალაქის დაძმობილებიდან 40 წელი შესრულდა. ქალაქების დამეგობრების იუბილესადმი მიძღვნილი წიგნი ალექსანდრე კარტოზიას ავტორობითა და თბილისის მერიის მხარდაჭერით გამოიცა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ სამშვიდობო შეთანხმების დადებისას პირველად შესთავაზა რუსეთს უსაფრთხოების გარანტიები

ევროკომისიამ რუსული გაზის ევროკავშირში დაბრუნება უკრაინაში მშვიდობის დამყარების შემდეგაც კი გამორიცხა

ესპანეთში მატარებლების შეჯახების შედეგად დაღუპულთა რიცხვი 64-მდე გაიზარდა

ქართული დელეგაცია მოსკოვში რუსეთის პატრიარქ კირილის იუბილეზე ჩავა