2016-09-22 13:04:02, 1016 ნახვა

---

ივანიშვილი: ქართველებს ძალიან უჭირთ საკუთარი თავის დადანაშაულება - "ისაა მამაძაღლი და იმისი ბრალია"

საქართველოს ყოფილი პრემიერ-მინისტრის ბიძინა ივანიშვილის განცხადებით, დღევანდელი ხელისუფლების მინისტრები ძალიან ეფექტურები არიან, თუმცა ხალხს მათი ეფექტურობა არ აინტერესებს, რადგან ქვეყანაში უამრავი გაჭირვებულია.

თუმცა, როგორც ივანიშვილმა GDS-ის გადაცემაში განაცხადა, ქართველების ერთ-ერთი თვისებაა ის, რომ საკუთარი თავის დადანაშაულება  არ უყვართ:

"მინისტრები ძალიან ეფექტურები არიან, მაგრამ ეფექტურობას  არ ღებულობენ, რადგან უამრავი გაჭირვებულია საქართველოში.ეკონომიკა როცა 4-5-ჯერ ჩამორჩება განვითარებულ ქვეყნებს და ჩვენ თავისუფლად ვმოგზაურობთ, ვიზალიბერალზიაცია არ მიგვიღია, მაგრამ საშუალო  დონის მაცხოვრებელი ქართველებიც მოგზაურობენ  თავისუფლად ევროპაში. ხედავენ, როგორ ცხოვრობენ ევროპაში, რა თქმა უნდა, უკამყოფილოები  არიან. ადამიანს ძალიან უჭირს საკუთარი თავის დადანაშაულება.ეს ერთ-ერთი ჩვენი თვისებაა. საკუთარი თავი არა, არაა, ისაა მამაძაღლი და იმისი ბრალია",-განაცხადა ბიძინა ივანიშვილმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი