„სამართლიანობა დიდწილად შევასრულეთ, მაგრამ არა სრულად. როდესაც ვამბობ რომ დიდწილად შევასრულეთ ამაში სწორედ იმას ვგულისხმობ, რომ ადამიანებმა ქონება ვერ დაიბრუნეს“, - ამის შესახებ საპარლამენტო უმრავლესობის წევრმა ზაქარია ქუცნაშვილმა განაცხადა.

დეპუტატი ამბობს, რომ სამართლიანობის აღდგენის კუთხით მნიშვნელოვანი ნაბიჯები გადაიდგა წინ.

„ჩვენ ამ დაპირების დიდწილად შესრულება შევძელით, მაგრამ არა სრულად. დიდწილად შესრულებაში ვგულისხმობთ იმას, რომ მაგალითად სკოლის პედაგოგები, რომლებიც პოლიტიკური ნიშნით იყვნენ გათავისუფლებულები, ისინი სკოლებში აღვადგინეთ. ასევე საპატიმროებიდან გამოვუშვით პოლიტიკური ნიშნით დაპატიმრებული პირები. მოქალაქეები, რომლებიც სამსახურიდან გათავისუფლებულები იყვნენ პოლიტიკური მოტივაციით, მათ საქმეების წარმოების უფლება მიეცათ. პირები, რომლებიც  უკანონო მსჯავრდებულები იყვნენ, მათ საქმეების გადახედვის უფლება მივეცით, ამ მხრივ პარლამენტმა სისხლის სამართლის კანონმდებლობა გაამარტივა. ქონება, რომელიც წაართვეს ადამიანებს ნაწილობრივ დავუბრუნეთ ადამიანებს“, - აცხადებს უმრავლესობის წევრი.

ქუცნაშვილი აქვე ამბობს, რომ ქონების დაბრუნების ნაწილში სამართლიანობა ვერ აღდგა და წართმეული ქოენა მხოლოდ მცირე ნაწილს დაუბრუნდა.

„ამიტომაც ვამბობ, რომ დაპირებები დიდწილად შევასრულეთ, მაგრამ არა სრულად.  სამართლიანობის აღდგენა მარტო ქონებრივ დავებზე არ გადიოდა. ვიმეორებ, სამართლიანობის აღდგენის პროცესი დიდწილად შევასრულეთ და არა სრულად. სწორედ ამას ვგულისხმობ, რომ ადამიანებმა ვერ დაიბრუნეს წართმეული ქონება“, - განაცხადა ზაქარია ქუცნაშვილმა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა