აჭარის უმაღლესი საბჭოს დეპუტატმა მედეა ვასაძემ „ექსპრესნიუსთან“ საუბრისას პაატა ბურჭულაძის გუშინდელი განცხადება შეაფასა და აღნიშნა, რომ აჭარას აქვს რესურსი, თანამდებობებზე ადგილობრივი კადრები დაინიშნონ.

ვასაძის განცხადებით, თუ ცენტრალური ხელისუფლება ჯვარედინ პოლიტიკას ატარებს, მაშინ  უნდა თქვან, თუ რომელი რეგიონის მაღალ თანამდებობაზეა დანიშნული აჭარის წარმოამდგენელი.

„მე ვფიქრობ, რომ აჭარას აქვს რესურსი, რომ თანამდებობებზე ადგილობრივი კადრები დაინიშნოს. თუ ხელისუფლება ამბობს, რომ ეს ჯვარედინი საკადრო პოლიტიკაა, მაშინ გვანახონ აჭარის წარმოამდგენელი მაღალ თანამდებობაზე  რომელ რეგიონშია დანიშნული. პოლიციის სამმართველოს უფროსი, მთავარი პროკურორი და ა.შ. შიდა მკაცრი ვერტიკალია და გარკვეულწილად, მისაღებია, რომ აქ ადგილობრივი კადრები არ არიან წარმოდგენილნი. თუმცა, არის თანამდებობები, სადაც ადგილობრივი კადრების წარმოჩენა უნად ხდებოდეს. ჩვენ ავტონომიური წარმონაქმნი ვართ და ჩვენ ჩვენი სამთავრობო საქვეუწყებო დაწესებულელები გვაქვს და საჯარო სამსახურის გამოცდილება გვაქვს.

თუმცა, პაატა ბურჭულაძემ თავის სიტყვაში თქვა, რომ აჭარაში არსებული სიტუაციით რა მაგალითი უნდა მივცეთ აფხაზებსა და ე.წ. „სამხრეთ ოსეთში“ მაცხოვრებლებსო. პაატა ბურჭულაძის მხრიდან, ეს იყო უზარმაზარი პოლიტიკური შეცდომა. აჭარის ამ კონტექსტში მოხსენიება ნიშნავს, რომ პრაქტიკულად, არ ხარ პოლიტიკოსი“, - განაცხადა ვასაძემ.

პლატფორმა  „პაატა ბურჭულაძე - სახელმწიფო ხალხისთვის“ ლიდერმა, პაატა ბურჭულაძემ აჭარაში მაჟორიტარობის კანდიდატების წარდგენამდე განაცხადა, რომ „აჭარის პოლიციის უფროსი არ არის აჭარელი, არც სუს-ის უფროსი, არც საკრებულოს თავმჯდომარე, არც მერი, არც მთავარი პროკურორი, არც მთავრობის თავმჯდომარე. რა ხდება, აჭარაში არ მოიძებნება კადრები? რა მაგალითს ვაძლევთ ჩვენ აფხაზებსა და ოსებს“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ესპანეთის ყოფილი შრომის მინისტრი ავარიისას ერთ-ერთ მატარებელში იმყოფებოდა, სავარაუდოდ, გარდაიცვალა

ზელენსკიმ სამშვიდობო შეთანხმების დადებისას პირველად შესთავაზა რუსეთს უსაფრთხოების გარანტიები

ევროკომისიამ რუსული გაზის ევროკავშირში დაბრუნება უკრაინაში მშვიდობის დამყარების შემდეგაც კი გამორიცხა

ესპანეთში მატარებლების შეჯახების შედეგად დაღუპულთა რიცხვი 64-მდე გაიზარდა