საქართველოს აზერბაიჯანის საგარეო საქმეთა მინისტრი ეწვევა

2016-08-27 13:36:27, 752 ნახვა

პოლიტიკა

29 აგვისტოს საქართველოს ოფიციალური ვიზიტით აზერბაიჯანის რესპუბლიკის საგარეო საქმეთა მინისტრი ელმარ მამედიაროვი ეწვევა.

როგორც "ექსპრესნიუსს" საგარეო საქმეთა სამინისტროდან აცნობეს, იგი შეხვედრებს საქართველოს პრემიერ-მინისტრთან გიორგი კვირიკაშვილთან, პარლამენტის თავმჯდომარესთან დავით უსუფაშვილთან და საგარეოსაქმეთა მინისტრთან მიხეილ ჯანელიძესთან გამართავს.

საქართველოში ვიზიტის ფარგლებში ელმარ მამედიაროვი პატივს საქართველოს ტერიტორიული მთლიანობისათვის დაღუპულ გმირებს მიაგებს და აზერბაიჯანის ეროვნული ლიდერის ჰეიდარ ალიევის მემორიალს გვირგვინით შეამკობს.

ვიზიტის ფარგლებში ორმხრივ და მრავალმხრივ ფორმატებში საქართველო-აზერბაიჯანის თანამშრომლობის საკითხებს განიხილავენ.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან