ლიეტუველი ევროპარლამენტარი რასა იუკნევიჩიენე საარჩევნო კოლეგიის მიერ საქართველოს მეექვსე პრეზიდენტის თანამდებობაზე მიხეილ ყაველაშვილის არჩევას ეხმაურება.

როგორც იუკნევიჩიენე სოციალურ ქსელ X-ზე წერს, დღეს საქართველოში რეალური არჩევნები არ ყოფილა და „რაც მოხდა, ფარსი იყო“.

„დღეს საქართველოში რეალური არჩევნები არ ყოფილა. რაც მოხდა, ფარსი იყო, ისევე, როგორც რუსეთში, ბელარუსსა და სხვა ავტოკრატიულ სახელმწიფოებში. საქართველოში ერთადერთი ლეგიტიმური თანამდებობის პირი თავისუფალი არჩევნების გზით არჩეული პრეზიდენტი სალომე ზურაბიშვილია. ივანიშვილი სახელმწიფოს ხელში ჩაგდებას აგრძელებს“,- წერს იუკნევიჩიენე.

შეგახსენებთ, დღეს, 14 დეკემბერს საარჩევნო კოლეგიამ საქართველოს მეექვსე პრეზიდენტის თანამდებობაზე მიხეილ ყაველაშვილი აირჩია. როგორც ცენტრალური საარჩევნო კომისიის თავმჯდომარე გიორგი კალანდარიშვილმა კენჭისყრისა და ხმის დათვლის პროცესის დასრულების შემდეგ განაცხადა, ყაველაშვილის კანდიდატურას საარჩევნო კოლეგიის 224-მა წევრმა დაუჭირა მხარი. აღსანიშნავია, რომ მეექვსე პრეზიდენტის ინაუგურაცია 29 დეკემბერს გაიმართება. მოქმედ პრეზიდენტ სალომე ზურაბიშვილს კი, უფლებამოსილების ვადა დეკემბერში ეწურება.

ავტორი: ექსპრესნიუსი,

სოციალური ქსელები

მოსკოვსა და სანქტ-პეტერბურგში დრონის რეკორდული დარტყმის შემდეგ 400-ზე მეტი რეისი გაუქმდა

ეპისკოპოსი გიორგი - აზარტული თამაშები სასოწარკვეთილების, ვალებისა და ტრაგედიის წყაროდ იქცევა. ჩემი ღრმა შეშფოთებაა

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს