თბილისში, პარლამენტის შენობასთან, სადაც საქართველოს მეექვსე პრეზიდენტის ასარჩევად კენჭისყრა მიმდინარეობს, საპროტესტო აქცია, სახელწოდებით „ვაჩვენოთ დიპლომი ყაველაშვილს“ იმართება.

აქციის მონაწილეებმა საკანონმდებლო ორგანოს მიმდებარე ტერიტორიაზე საკუთარი დიპლომები მიიტანეს. 

„ჩვენ გვაქვს ბაკალავრის, მაგისტრატურის, დოქტორანტურის ხარისხები. ჩვენ უფრო კარგი პრეზიდენტები ვიქნებოდით, ვიდრე ის. ის არის გაუნათლებელი ადამიანი, რომელსაც არ აქვს ცოდნა, რომ იყო ქვეყნის მთავარსარდალი“,- განუცხადა „ექსპრესნიუსს“ აქციის მონაწილემ პრეზიდენტობის კანდიდატ მიხეილ ყაველაშვილთან დაკავშირებით.

შეგახსენებთ, დღეს, 14 დეკემბერს პარლამენტში საქართველოს მეექვსე პრეზიდენტის არჩევნები იმართება. პრეზიდენტობის კანდიდატად მიხეილ ყაველაშვილია დასახელებული. ყაველაშვილის კანდიდატურა 27 ნოემბერს გამართულ ბრიფინგზე „ქართული ოცნების“ საპატიო თავმჯდომარე ბიძინა ივანიშვილმა წარადგინა.​ მეექვსე პრეზიდენტის ინაუგურაცია 29 დეკემბერს გაიმართება. 

აღსანიშნავია, რომ საქართველოს მოქმედ პრეზიდენტ სალომე ზურაბიშვილს, რომელიც 2018 წლის 28 ნოემბერს აირჩიეს, უფლებამოსილების ვადა დეკემბერში ეწურება.

ავტორი: ექსპრესნიუსი,

სოციალური ქსელები

მოსკოვსა და სანქტ-პეტერბურგში დრონის რეკორდული დარტყმის შემდეგ 400-ზე მეტი რეისი გაუქმდა

ეპისკოპოსი გიორგი - აზარტული თამაშები სასოწარკვეთილების, ვალებისა და ტრაგედიის წყაროდ იქცევა. ჩემი ღრმა შეშფოთებაა

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს