წარმოუდგენელია, რომ ევროპასთან ევროპულობის, გამჭვირვალობის, ქრისტიანული, ტრადიციული ღირებულებების დაცვის გამო შეგვექმნას პრობლემა და ამას საბოლოო ჯამში არც ევროპა დაუშვებს და მითუმეტეს არც ქართველი ხალხი, - ამის შესახებ საპარლამენტო უმრავლესობის ლიდერმა, „ქართული ოცნების“ აღმასრულებელმა მდივანმა მამუკა მდინარაძემ განაცხადა.

„იქნება [გამჭვირვალობის კანონის წინააღმდეგ] პროტესტი, მაგრამ საფუძველი ხომ უნდა ჰქონდეს. ხვალ, რუსთაველზე ათჯერ და თხუთმეტჯერ მეტი ადამიანი გამოვა. ერი და ბერი დღეს დგას სიმართლის, გამჭვირვალობის, ქართული იდენტობის, ტრადიციული ღირებულებების, ქვეყნის დამოუკიდებლობის და სუვერენიტეტის, დეოკუპაციის და რეალურ ევროპულ გზაზე და არა იმ მუქარის, რომ თურმე გამჭვირვალობის და ოჯახის ღირებულებების კანონი თუ მივიღეთ, მერე რაღაცები უნდა შეგვიჩერონ და აგვიკრძალონ, რაც არ და ვერ მოხდება. წარმოუდგენელია, რომ ევროპასთან ევროპულობის, გამჭვირვალობის, ქრისტიანული, ტრადიციული ღირებულებების დაცვის გამო შეგვექმნას პრობლემა და ამას საბოლოო ჯამში არც ევროპა დაუშვებს და მითუმეტეს, არც ქართველი ხალხი. რომ გვეკითხებიან - ვინ გიჭერს მხარს - საქართველო, ქართველი ხალხი გვიჭერს მხარს და როდესაც ამას ქვეყნის შიგნით და გარეთ ყველას კარგად დავანახებთ, მერე ისევ ისე გაგრძელდება ქვეყნის ევროინტეგრაცია, როგორც აქამდე, აქამდე კი ჩვენს ანგარიშზე იყო ყველა შედეგი“, - განაცხადა მდინარაძემ.

ავტორი: ექსპრესნიუსი,

სოციალური ქსელები

ყოფილ მაღალჩინოსანთან დაკავშირებულმა კომპანიამ ტენდერები უკონკურენტოდ მოიგო

საია: ვიწროვდება პოლიტიკური გაერთიანებისა და არჩევნებში მონაწილეობის შესაძლებლობები

ბერა ივანიშვილის ადვოკატმა "ფორმულას" და "ტვ პირველის" წინააღმდეგ სასამართლოში სარჩელი შეიტანა

არმიის გენერალი დენის პროკოპენკო - პეტროპავლოვსკა ბორშჩაგოვკაში მომხდარი მოვლენების ირგვლივ მიმდინარე საინფორმაციო კამპანია რუსეთის სასარგებლოდ მუშაობს