2024-02-13 10:33:05, 859 ნახვა
პოლიტიკა
სააკაშვილი - რუსეთი ბალტიისპირეთში შეიჭრება, თუ უკრაინის მიწას მიიღებს
რუსეთი ბალტიისპირეთში შეიჭრება, თუ უკრაინის მიწას მიიღებს,- ამის შესახებ ნათქვამია საქართველოს მესამე პრეზიდენტის, მიხეილ სააკაშვილის წერილში, რომელსაც ბრიტანული გამოცემა Telegraph-ი აქვეყნებს.
გამოცემის ცნობით, სააკაშვილი, რომელიც ამბობს, რომ რუსეთის პრეზიდენტის, ვლადიმერ პუტინის "ნდობა შეუძლებელია", მოუწოდებს დასავლეთს, გააგრძელოს უკრაინის მხარდაჭერა, რათა მომავალში ნატოსთან ომი თავიდან აიცილოს.
"თუ რუსეთი მოახერხებს უკრაინის ნაწილზე კონტროლის გაყინვას, რა თქმა უნდა, ომი ამ დროებითი გაყინვის შემდეგ მალევე გავრცელდება უკრაინის, მოლდოვისა და ბალტიისპირეთის სხვა ქვეყნებში",- ნათქვამია სააკაშვილის წერილში.
ავტორი: ექსპრესნიუსი,
epn.ge (@expressnews.ge)
