2024-02-06 15:03:45, 522 ნახვა

---

კობახიძე - მგონია, აქცენტი გაკეთდება ზურაბიშვილის საპარლამენტო არჩევნებში მონაწილეობაზე და არა სააკაშვილის შეწყალებაზე

მე მგონია, აქცენტი გაკეთდება უფრო სალომე ზურაბიშვილის საპარლამენტო არჩევნებში მონაწილეობაზე და არა სააკაშვილის შეწყალებაზე,- ამის შესახებ საქართველოს პრემიერ-მინისტრობის კანდიდატმა, ირაკლი კობახიძემ ჟურნალისტებთან განაცხადა, რითაც უპასუხა კითხვას -„ელოდებით თუ არა, რომ სალომე ზურაბიშვილმა მიხეილ სააკაშვილი შეიწყალოს?“

როგორც კობახიძემ აღნიშნა, ზურაბიშვილის საპარლამენტო არჩევნებში მონაწილეობა პირდაპირ ეწინააღმდეგება მიხეილ სააკაშვილის შეწყალებას. 

„მე მგონია, უფრო სხვა გეგმები აქვთ სალომე ზურაბიშვილს და მის მეგობრებს. გეგმა უფრო მეტად ორიენტირებულია იმაზე, რომ სალომე ზურაბიშვილმა, როგორც ფსევდოშუაშისტურმა პოლიტიკოსმა მიიღოს საპარლამენტო არჩევნებში მონაწილეობა და ამ მიზანს, თავისი არსით, პირდაპირ ეწინააღმდეგება სააკაშვილის შეწყალება",- განაცხადა კობახიძემ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი