2024-01-12 12:32:18, 668 ნახვა
პოლიტიკა
პაპუაშვილი - პრეზიდენტის ყოველწლიური მოხსენება 6 თებერვალს იქნება
პარლამენტის თავმჯდომარის, შალვა პაპუაშვილის განცხადებით, პრეზიდენტი სალომე ზურაბიშვილი ყოველწლიური მოხსენებით პარლამენტს 6 თებერვალს მიმართავს.
როგორც პაპუაშვილმა მედიის წარმომადგენლებთან საუბრისას თქვა, პრეზიდენტმა აღნიშნულთან დაკავშირებით თანხმობა განაცხადა.
"როგორც იცით, საქართველოს პარლამენტის რეგლამენტით, მათ შორის ბოლო ცვლილების საფუძველზე დადგენილია, რომ პრეზიდენტის მოხსენება არის საგაზაფხულო სესიის პირველ სხდომაზე. სხვა შემთხვევაში, პარლამენტის თავმჯდომარესთან უნდა შეთანხმდეს. პრეზიდენტმა თანხმობა განაცხადა, რომ ის პირველ სხდომაზე მოვა და შესაბამისად, 6 თებერვალს იქნება მისი ყოველწლიური მოხსენება",- განაცხადა პაპუაშვილმა.
ავტორი: ექსპრესნიუსი,
epn.ge (@expressnews.ge)
