ტექნიკურ ნაწილში ძალიან ცუდი შეცდომა მოუვიდა ტექნიკურ გუნდს, საზოგადოებას ვუხდი ბოდიშს, - ასე გამოეხმაურა ბათუმის მერი არჩილ ჩიქოვანი საკრებულოს სხდომაზე, პრეზენტაციის დროს რუსეთის რუკის გამოჩენის ფაქტს.

ჩიქოვანის თქმით, მომხდარი როგორც მუნიციპალიტეტის ყველა თანამშრომლის, ასევე მისი პასუხისმგებლობაცაა.

"ტექნიკურ ნაწილში ძალიან ცუდი შეცდომა მოუვიდა ტექნიკურ გუნდს. ბუნებრივია, არ იყო სასიამოვნო იმის ნახვა, რაც დავინახეთ.

როგორც მუნიციპალიტეტის ყველა თანამშრომელს, მეც მაქვს ჩემი პასუხისმგებლობა. მინდა საზოგადოებას, კოლეგებო - თქვენ, ასევე მედიასაშუალებებს და ყველა იმ ადამიანს, ვინც ეს შეცდომა იხილა, ბოდიში მოგიხადოთ. როდესაც არანორმირებულად გვიწევს მუშაობა, ხდება ხოლმე შეცდომები, მაგრამ ეს არ ამართლებს ამ შეცდომას და ფაქტს. საზოგადოებას კიდევ ერთხელ ვუხდი ბოდიშს", - განაცხადა ჩიქოვანმა.

ცნობისთვის, ბათუმის მერის, არჩილ ჩიქოვანის საკრებულოს წინაშე მოხსენებისას მონიტორზე რუსეთის რუკა გამოჩნდა, სადაც ევროკავშირის დროშა იყო დატანილი.

ავტორი: ექსპრესნიუსი,

სოციალური ქსელები

სასულიერო აკადემიამ მეუფე იობის განათლება დაადასტურა

Facebook-პოსტის გამო აქტივისტი ია მელითაური 2500 ლარით დააჯარიმეს

აქციაზე გზის ე.წ გადაკეტვის გამო 3 პირს ადმინისტრაციული პატიმრობა შეეფარდა, ორი ფეისბუქში სტატუსის გამო დააჯარიმეს

ყაზახეთმა რუსეთიდან ელექტროენერგიის იმპორტის შეწყვეტის გადაწყვეტილება მიიღო