2023-10-27 18:19:40, 738 ნახვა
მსოფლიო
მაია სანდუ - მოლდოვა პირველ ეტაპზე ევროკავშირში შესაძლოა დნესტრისპირეთის გარეშე შევიდეს
პირველ ეტაპზე ქვეყან ევროკავშირში შესაძლოა დნესტრისპირეთის გარეშე შევიდეს. ამის შესახებ მოლდოვის პრეზიდენტმა, მაია სანდუმ რადიო Vocea Basarabiei-ს ეთერში განაცხადა.
სანდუს თქმით, იდეალური იქნებოდა, თუ ქვეყანა ევროკავშირში მთლიანად შევიდოდა, თუმცა თუ სხვადასხვა მიზეზის გამო ეს შეუძლებელი იქნება, არსებობს ვარიანტი, რომლის მიხედვითაც ევროკავშირში ჯერ დნესტრის მარჯვენა ნაპირი, შემდეგ კი მარცხენა ნაპირი შევა.
"რასაც ვაკეთებთ, არ ვაკეთებთ კრემლის ან რუსების წინააღმდეგ, ჩვენ ყველაფერს ვაკეთებთ ჩვენი მოქალაქეებისთვისა და ქვეყნის ინტერესებისთვის", - განაცხადა სანდუმ.
ავტორი: ექსპრესნიუსი,
epn.ge (@expressnews.ge)
