2023-08-17 18:07:22, 1368 ნახვა

---

ესტონეთი, ლიეტუვასთან და ლატვიასთან ერთად, უკრაინის მხარდამჭერ G7-ის დეკლარაციას უერთდება

ლატვია, ლიეტუვა და ესტონეთი "უკრაინის უსაფრთხოების გარანტიების შესახებ" დიდი შვიდეულის დეკლარაციას შეუერთდნენ, - ამის შესახებ ინფორმაციას ესტონეთის პრემიერ-მინისტრი კაია კალასი ავრცელებს.

როგორც კალასი აღნიშნავს, ის გააგრძელებს უკრაინის მხარდაჭერას, იქამდე სანამ საბოლოო გამარჯვება არ მიიღწევა.

"ესტონეთი, ლიეტუვასთან და ლატვიასთან ერთად, უერთდება უკრაინის მხარდამჭერ G7-ის დეკლარაციას. 

ჩვენ გავაგრძელებთ უკრაინის მხარდაჭერას გამარჯვებამდე. ჩვენ მხარს დავუჭერთ უკრაინას NATO-სა და ევროკავშირის გზაზე", - წერს ესტონეთის პრემიერ-მინისტრი, კაია კალასი Twitter-ზე.

შეგახსენებთ, რომ დიდმა შვიდეულმა უკრაინის უსაფრთხოების გარანტიების შესახებ დეკლარაციას ხელი ვილნიუსის სამიტზე მოაწერეს. G7-ის წევრმა ქვეყნებმა პირობა დადეს, რომ ისინი უკრაინის უსაფრთხოებას გრძელვადიან პერსპექტივაში უზრუნველყოფენ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი